葵芳婦人針灸後休克兼半身癱瘓 中醫出事後上白車追收$470診症費

中醫診所向來在香港盛行，但有網民較早前陪同母親在葵芳一家區內知名診所接受針灸治療後，其母立刻幾近昏迷，其後更左邊身不能活動，需即時召救護車送院；而負責針灸的中醫師，出事後仍追上救護車要求家屬支付470港元針炙費及藥費，事件在網上引起熱議。記者今早就事件致電事發診所，惟至今未有人接聽。

今日較早前有網民在討論區發千字長文，指他的母親患淋巴發炎需進食消炎藥，隨後他陪同母親到葵芳一家知名中醫診所「執中藥」，但現場中醫師強調「一定要針灸先得」，因此樓主母親便接受針灸。

樓主在帖文中上載當日睇症時由中醫師開方的藥單。（連登討論區） ​

樓主指，當時醫生共落了6針，分別在頸及手臂位置。樓主憶述：「啱啱吉落去都冇事，過咗15分鐘左右，我見到我阿媽合埋對眼一句嘢都冇講，我就以為佢閉目養神啦，我問下佢痛唔痛呀？佢都冇理我，然後佢俾個手勢我，係掹針嘅手勢，我問佢係咪要掹針呀？唔舒服呀？佢都係一句都答唔到我。」

樓主上載出事當日召救護車的電話紀錄截圖。(連登討論區)

其後樓主立即著醫生停止針灸，醫生最初堅持，但當樓主再次著醫生停止針灸後該名醫生便無奈掹針。但樓主指，當時他母親已接近休克，需即時召救護車送院。期間，該名中醫更著樓主母親多喝水便沒事，但樓主直言：「999 d（啲）人聽到我大叫都叫我千祈唔好俾我阿媽飲食。」

當救護車到場後，樓主母親已暈倒，「出晒汗仲要面青口唇白冇意識」。而該名中醫在救護車準備送其母上救護車時，樓主形容：「個醫生仲要叫我唔好走啊要我俾針灸費，因為嗰時候我已經好慌張，所以嗱嗱臨俾錢跟上救護車」，又指「中醫急急腳上白車都仲要叫我俾返$310針灸費同$160藥費」。

一名婦人在葵芳一家知名中醫診所針灸後疑中風。（資料圖片，非當事人）

樓主在帖文中圖文並茂憶述事件經過，不但上載召救護車電話紀錄的手機截圖，更將事發診所的藥袋都一併公開。樓主指母親現時已清醒，經醫生診斷後指可能是中風，或因誤觸神經線所致，而其母目前正等待接受後續檢查。記者今早就事件致電事發診所，惟至今未有人接聽。

有連登網民發文指，母親在葵芳一家中醫診所接受針炙治療後中風。(網頁截圖)

 

星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ