MIRROR演唱會主題曲《WE ARE》發放正能量 全員放低偶包無懼黑圖

MIRROR一連12場的演唱會，下周一（25日）便開鑼，並乘勢推出演唱會主題曲《WE ARE》。MV中，12子化身銀河宇宙守護隊，玩到癲零偶包，懶理大量黑圖湧現。

Anson Lo（盧瀚霆）一聽黑圖即表示不介意：「因為平時都大把黑圖！」姜濤也說：「我哋平時都會Post大家嘅黑圖。」Anson Lo也認同，更說：「就算我哋以往嘅MV，睇落冇黑圖，但其實喺某啲位嘅0.1秒突然pause，我哋啲跳舞樣都會變咗黑圖。」姜濤即想起自己的「傑作」，指着Anson Lo笑言：「最終極係我Post你演唱會嗰張，屍骨分離。」Anson Lo回想起也大笑說：「所以我哋已經慣咗，呢個係我哋嘅傳統，有別於對上幾次偏向型格男團風嘅團歌。」

 

姜濤一向百厭，自己都Post 黑圖相。

 

齊齊化身銀河宇宙守護隊員。

 

一齊玩到癲晒。

 

真係「瞓」身演出。

 

雖說放低偶包，但姜濤仍大讚Anson Lo，叫大家留意MV當中細節，說：「今次係第一次大家都咁癲，《Ignited》、《Boss》都冇咁瘋狂，不過呢個MV最勁係Anson Lo個頭點揈個蔭都唔會郁！」Anson Lo聽罷也自豪道：「我係Spray王，ok？」

除推介新歌，隊長Lokman（楊樂文）率先提醒大家入場睇演唱會的備忘：「背好晒歌詞，聽多幾次我哋嘅歌，順手撐一下Hit Rate。」AK（江𤒹生）則溫馨提示：「帶多個口罩，因為跟住我哋跳舞會濕晒，另外我哋勁歌熱舞跳到濕晒呢，大家都會好興奮，都會出晒汗跟住濕晒喇，所以要帶定毛巾抹汗。」Jeremy（李駿傑）提大家要帶飛，Ian（陳卓賢）則道：「去定Toilet，因為冇廁所位。」AK聽到即強調：「特別唔好揀佢唱時去廁所呀！」

 

大表哥同姜濤。

 

Jer 同 Edan。

 

12子推出演唱會主題曲《WE ARE》。

 

 

星島新聞集團慶回歸25周年專題網站，請即瀏覽 

立即下載 | 全新《星島頭條》APP : https://bit.ly/3yLrgYZ