最後禮物丨毛舜筠兩女返港放暑假蘇永康家中有老有嫩暫拒返內地工作

2022-07-23 11:30

蘇永康與太太馮翠珊（Anita）昨晚（22日）到演藝學院欣賞由黃子華及潘燦良主演的舞台劇《最後禮物》，蘇永康指等待了半年，今次見到子華時覺得對方可能因多了半年時間沉澱及排練，故比之前淡定。蘇永康指曾經在2009年獲新加坡政府邀請參與杜國威撰寫的《上海之夜》音樂劇，問到是否想再演時，他說：「要夾啱人，因為舞台劇係表演藝術中最難。」而他又表示最想與陳潔儀合作，因為對方在流行曲、演唱會等方面都好有諗法。

疫情關係，蘇永康除了在剛過去的六月去新加坡舉行演唱會外，其他所有演唱會均要延期，計劃在8月底及10月，分別到美國及台北舉行演唱會，不過他就指自己暫時不會選擇返內地工作：「因為要隔離，媽媽86歲個仔又5歲，加上媽媽最近身體麻麻。」

蘇永康最想與陳潔儀合作舞台劇。

蘇永康和太太一齊睇子華同潘燦良主演嘅舞台劇《最後禮物》。

蘇永康同子華私下好老友。

蘇永康話屋企有老有嫩，唔想隔離太耐，所以暫時唔會返內地工作。

毛舜筠女兒讀物理治療

另外，同樣來欣賞舞台劇的毛舜筠（毛姐），甫到場即自爆因跳繩拉傷左腳：「我之前去咗加拿大幾個月，一直都冇做運動，最近癮起再做，我每日跳1000下跳繩，可能太耐冇做所以就拉傷左腳嘅筋踺。」雖然腳部受傷，但毛姐就話沒有去看醫生：「因為我囡囡係讀物理治療，仲有兩年畢業，佢話我唔駛睇醫生，只需要呢兩星期唔好做運動同行少啲，我盡量啦！」她又開心地表示兩個女兒已返港過暑假，故之後要忙着陪家人：「相聚時間好難得，世界成日變，聖誕節已經安排咗同兩個女去歐洲玩。」