陳冠希懶理北京潮舖執笠 日本睇美斯踢波興奮開直播

由41歲陳冠希（Edison）主理的時裝品牌CLOT和店舖JUICE遍佈香港、中國、台灣及美國，Son哥更曾豪言要在內地開設100間分店，不過，最近有消息指JUICE位於北京三里屯的店舖已關門，同時亦盛傳成都店舖守唔住，從其官網可見，全中國只餘3間JUICE，分別位於上海、成都及廣州。

JUICE在內地剩返三間舖。

 

對於店舖執笠，陳冠希明顯唔當一回事，身處日本嘅佢仲帶埋女友及囡囡去睇波。本周三，巴黎聖日耳門在東京與川崎前鋒進行季前熱身賽，當日巴黎聖日耳門仲強陣出擊，三叉戟美斯、尼馬、安巴比，以及中堅沙治奧拉莫斯悉數擔正，難怪陳冠希咁興奮，開場前仲開直播大講自己感受，又話好耐冇睇過足球比賽，講講吓可能發現自己個樣唔多精神，拿拿臨戴返太陽眼鏡，仲叫囡囡Alaia同網友打招呼，小妹妹仲興奮過老竇，講唔停仲要用手遮住老竇個樣。但成個直播重點係，留言嘅九成都係內地網友，不斷叫佢冠希哥，又問佢在干嘛？當然Son哥完全無回應。
 

一家三口去睇波。

開波前開直播。

都係戴返副超先。

囡囡係咁遮住老竇個樣。

小妹妹好活潑係咁搞老竇。

遮唔停，老竇都無佢辦法。

愈大愈似老竇。

冠希哥喺內地好多FANS。

三叉戟美斯、安巴比及尼馬。

尼馬同隊友在東京取景影相。

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ