金像獎40丨許冠文獲「終身成就獎」感謝許氏三兄弟 哽咽念掛已故弟弟許冠英

2022-07-17 20:48

許冠文將「終身成就獎」送給已故弟許冠英。
許冠文將「終身成就獎」送給已故弟許冠英。

許冠文由黃子華手中接過「終身成就獎」,他謙稱自己沒有太多成就:「唔知講乜,40年前第一屆攞咗『最佳男主角』,以為獎盃陸繼有來,等咗40年一個都冇。唔覺得自己有終身成就,只覺好命,多謝梁淑怡、李瀚祥、鄒文懷及家人。」

他台上感激多年來與他一齊成長、合作無數的兩位兄弟許冠英和許冠傑,他扮冠英口吻指一向不敢駁大哥嘴,因為許冠文聲大夾惡、固執倔強、但講嘢又最叻。許冠文哽咽感謝冠英:「你講嘅嘢全部都啱!許冠英去咗天堂,相信佢睇住,冇咗佢唔得,好掛住佢,呢個獎大部份屬於你。」

許冠文又逐一多謝家人,包括子女許思維、許思行、孫仔等,有份幫他度橋及是靈感來源。另外,還特別多謝太太鄭潔英,他說:「太太係所有我嘅喜劇靈感來源,佢有好樂觀嘅人生態度,天跌落嚟就話明天更好。喺我山窮水盡時想拍悲劇,佢話生活仲唔夠悲咩,睇新聞都得,一定要拍喜劇。香港人喊都係要笑着哭,我拍喜劇都係拎住呢個宗旨。即使未來日子面對困難時光,我哋明天都會更好,香港精神,喊都會笑住嚟喊!」

 

許冠文獲頒「終身成就」獎。
許冠文獲頒「終身成就」獎。
由黃子華負責頒發。
由黃子華負責頒發。


許冠文受訪表示會跟兒子和孫食飯慶祝,笑指已十幾歲的孫是他的顧問教他很多。問到覺得自己最大成就是甚麼,他重申太太講得很對,自己久沒拍戲因不知拍甚麼,想拍悲劇但有人對他講天天看新聞已是段段悲劇,叫他別拍悲劇,就算要哭也要笑著哭,要他保持心裡一團火,香港是最靚和最有機會的地方,大家幾辛苦也要笑著哭,香港一定得。

 

在許冠文的演藝生涯中,兩位弟弟許冠傑和許冠英一直陪伴著他。
在許冠文的演藝生涯中,兩位弟弟許冠傑和許冠英一直陪伴著他。
文武英傑四兄弟,感情好好。
文武英傑四兄弟,感情好好。


星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad