聲夢2丨林二汶調教Maggie終逆轉劣勢女團XiX近爆燈成本集最高分

2022-07-10 22:00

《聲夢傳奇2》昨晚（9日）播出的第五集，六位導師Gin Lee、JW、泳兒、布志綸、林二汶及林奕匡繼續各自派出一名學員，分別為Mandy孫衣文《眼淚》、Janees黃洛妍《留低鎖匙》、XiX《Me Gustas Tu》、Duncan侯雋熙《綿綿》、Maggie趙頌宜《我的心裡只有你沒有他》、Jason陳晉軒《記憶棉》；由兩位總監郭偉亮（Eric Kwok）及陳奐仁進行點評，及25名來自樂壇不同界別的代表擔任專業評審。最終XiX憑藉團結力量及活潑可愛跳唱獲得23盞綠燈，接近爆燈，成功Fight低大熱門Janees成本集最高分；而本集被淘汰的，則是獲得14盞綠燈的Mandy。

識郁嘅Maggie令人眼前一亮！

終極大翻身，拎咗22分。

睇二汶個樣就知佢對Maggie嘅表現有幾咁滿意。

二汶好認真咁教Maggie要學識互動，有一吓二汶仲忍唔住怒吼咗。

Maggie私底下其實好鬼馬。

除了XiX獲得23盞綠燈外，Janees及Maggie亦獲得22盞綠燈並列第二名，至於第三名的Jason則獲21盞綠燈！在首輪個人表演中因走音兼「呆若木雞」台風險被淘汰的Maggie，本集竟大逆轉！經導師林二汶「軟硬兼施」調教的Maggie，上台獻唱時明顯放鬆了很多，不但偶爾能展現懷舊台風，更終與現場觀眾有眼神交流。

XiX拎咗今集最高分。Aster（左起）、Vici、Kiele、Charlotte、Crystal、Caitlin

拎到23盞綠燈，開心到呢！

獲得14盞綠燈嘅Mandy喺本集被淘汰。

原來Mandy首歌係送畀爹哋嘅。

其實Maggie首集已獲張佳添以「有錢佬」比喻肯定其坐擁靚聲本錢，結果Maggie終憑其獨特聲線獲得22盞綠燈。原本對Maggie「愛之深、責之切」的二汶看畢Maggie脫胎換骨表演後，亦忍不住歡呼拍手兼激讚謂：「咩事呀你？好到咁嘅？多謝你相信你把聲。」Eric Kwok亦大讚Maggie夠真夠自然：「佢最正係冇一樣嘢係扮出嚟，佢真係不擅表達、佢真係鍾意聽舊歌。」陳奐仁更在公佈分數之前，已肯定Maggie能晉身下一輪：「我已經諗緊你下一隻歌會係點。」台上的Maggie雖然十分拘謹，但台下的她卻是貪玩、精靈又活潑，是學員間的開心果，所以全場學員得悉其「終極翻身」時，忍不住高聲歡呼叫好，場面感人。