193童年視Edison為偶像現感激古仔 ERROR以帶歡樂給大眾為責任

2022-07-06 14:30

由ERROR成員保錡、鍾慧冰（冰姐）及媚姨主持的Viutv節目《MM730 - Auntie妳好》，今晚播出的一集請來保錡隊友郭嘉駿（193）做嘉賓，他形容自己的形象是「癡線」和被經理人「放養」的藝人，因此可以無拘無束地做回真實的自己。193又透露兒時偶像是陳冠希，因為覺得對方緊貼潮流和勇於表達自己，接着他又發揮「口臭」本色，笑稱另一個原因就是欣賞陳冠希「影相叻」，在旁聞言的媚姨隨即說：「個個都知佢識影相，佢鍾意影某個部位呀嘛。」193和保錡立即叫停媚姨：「唔好成日亂咁講嘢！」193笑稱媚姨敢言的程度簡直「癡線過自己」。至於現在，193指偶像是古天樂，因為十分欣賞對方用行動去支持後輩，又感激ERROR初出道時，對方亦曾有幫忙提攜四人。

193和保錡（右）跟冰姐（右二）及媚姨暢所欲言。

一睇呢個組合就知有笑料。

193自認癡線以及是被公司放養的藝人。

Edison是193的童年偶像。

另外，ERROR經常為求節目效果而做出大膽舉動，令觀眾印象深刻。193指ERROR能有現在的人氣，全因做節目時以令觀眾開心為本：「好多藝人都係做咗好多唔想做嘅嘢，先可以做到最後想做嘅事情。我哋都做咗好多唔想做嘅嘢先令到有人識，咁可能你唔想做嘅嘢先係人哋想睇。」193坦言ERROR的社會責任是想帶開心給觀眾，希望大家每天觀看節目的一小時裡，都可以輕鬆快樂。