Juicy叮｜家長要求替學童買飯兼陪食 兼職補習老師多索半個鐘時薪遭拒

不少大學生都會選擇兼職做私人補習，以賺取生活費。有大學生表示，私補學生的母親早前傳予訊息稱因工作緣故，不能照顧孩子用餐，希望她能幫忙買飯陪孩子食完再上堂，亦會把飯錢連同補習時薪一併計算。怎料當樓主要求收回陪食飯的半小時人工時，卻遭對方一口拒絕，「『陪佢食飯都收錢？」，令她非常無語！

有大學生在網上討論區「Dcard」發文指，一向有兼職私人補習，現時幫某學生補英文已有半年，她指該名小朋友學習態度良好，與其家長相處融洽。由於孩子正過暑假，家長便安排她周一至五每日上門補習45分鐘的英文及輔導功課。

近日樓主收到家長的訊息，指因工作而無暇顧及孩子用膳，故希望樓主補習時順便幫孩子買飯盒，「幫我睇住佢食飯，之後再上堂」，又稱會將飯錢及補習時薪一併計算。樓主本來覺得無問題，並提出要按時薪計算收回陪食飯的半小時人工，怎料卻遭拒絕，「點知佢阿媽話：『陪佢食飯都收錢？』」。

樓主認為，對方要求自己用私人時間陪學生食飯的要求不合理，遂詢問網民意見。有人認為樓主的要求合理，「又唔係保母，一係就畀多個鐘頭錢，佢真係好孤寒」、「笑死！犧牲私人時間同佢個小朋友食飯點解唔使錢」、「返工如果咁啱無客，老細都要出糧㗎。一樣道理，叫得人返工就係要出糧㗎啦」。

另外有網民指曾遇過類似情況，但因學生家長包其用餐費，故沒有另算工資，「我試過家長煮埋我飯，叫我陪佢個仔食，慳返餐都幾開心」、「我都試過，不過個家長好識做，話叫我買埋自己個份一齊食」。有人就認為要視乎樓主與家長及學生的關係，「「睇你同個學生關係好唔好啦，小朋友係要照顧」、「如果個家長好人嘅，小小要求都無問題嘅」。

資料來源：「Dcard」

星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ