Tiger 23歲生日小虎隊舉辦相展 跟女生親密合照成全場焦點

MIRROR成員邱傲然（Tiger）後日（3日）迎接23歲生日，他的粉絲「小虎隊」為他準備了一系列的生日應援，當中包括在中環荷李活道一棟商廈為他舉辦為期4日的相展，展期由今日開始至4日，除了展出Tiger在《全民造星》時以及MIRROR時期的相片外，他的童年照更是第一次曝光，其中有一張他和一位穿校服女生親密合照，成全場焦點，不過此女生只是Tiger妹妹啫，fans不用緊張，另外亦有展出Tiger的戲服和劇本。

有份籌備相展的小虎隊成員Doris，表示準備了約兩個月，問到Tiger的童年照是否最難找？她笑言用不同方法向Tiger索取，稱每個階段的Tiger都很喜歡，《造星》時可愛；後來就變得有型。

 

Tiger是MIRROR隊中年紀最細的成員。

 

小虎隊在中環為Tiger搞相展。

 

好多靚相，打卡打到手軟。

 

佈置簡單得來有心思。

 

仲有Tiger的Q版公仔。

 

提到Tiger日前在一個頒獎禮上致辭，提及自己是MIRROR「下弦」的一番言論，引起不少迴響，Doris表示有看過片段：「聽完後都有少少心痛，但佢講得出嚟即係代表有自信，佢嘅努力一定會被人睇到，Tiger加油，掂過碌蔗！我哋都同附近嘅公利真料竹蔗水合作，因為Tiger係張國榮嘅粉絲，而張國榮又喺公利拍過《藍江傳之反飛組風雲》，所以就特別同公利合作，搞一個以懷舊為主題嘅派對，公利喺展期中仲會全日播放10首由Tiger挑選嘅張國榮金曲。」另外，現場亦有紀念品出售，包括Board Game、手機掛繩、熱飲杯套和公仔等等。

 

一睇就知Doris幾咁鍾意Tiger。

 

Fans要度體溫先可以入場。

 

有Tiger小時候的相。

 

嗱嗱嗱，呢張相一定係全場焦點。

 

跟附近的蔗汁店合作，

 

各位小虎隊真的不能錯過。

 

相展今日開始。

 

星島新聞集團慶回歸25周年專題網站，請即瀏覽https://bit.ly/39AQC3m   

立即下載 | 全新《星島頭條》APP :  https://bit.ly/3yLrgYZ