忠實Fans許冠傑包場睇《貓王》許懷欣好感動：貓王影響我哋全家

2022-06-29 20:30

由殿堂級導演巴茲雷曼（Baz Luhrmann）執導，美劇《從前，有個荷里活》新一代男神奧斯汀畢拿（Austin Butler），聯同奧斯卡影帝湯漢斯（Tom Hanks）主演的《貓王》（Elvis）剛上映，作為「貓王」忠實Fans的歌神許冠傑特別包場同許冠文、兒子許懷欣及友人齊睇戲，更在電影海報前除口罩影相留念，73歲的歌神精神好好，笑容依然咁親切。

歌神好好精神。

歌神包場同親人一齊睇戲。

許懷欣散場後表示：「貓王對我哋嘅家庭有好大影響，爸爸同叔叔喺後生時學彈佢嘅歌。所以當我開始學彈結他時，又會學同樣嘅歌。」因為由細聽到大，許氏一家對貓王的歷史非常熟悉，不過就從未喺佢經理人角度睇呢位殿堂級世界巨星。「我認為奧斯汀畢拿演貓王及湯漢斯的上校做得好好，過去我哋見過好多貓王嘅模仿者，電影《貓王》的剪輯非常好，非常鼓舞人心！」