十八年後2.0丨龔嘉欣喪女演技催淚 黑化譚俊彥臉皮厚求原諒

2022-06-25 19:30
《十八年後的終極告白2.0》已播出大結局。
《十八年後的終極告白2.0》已播出大結局。

TVB劇集《十八年後的終極告白2.0》昨晚(24日)播出大結局,劇情可謂出人意表。易服後的Jason變成殺人狂Sophia(陳山聰飾),最終留下令人心寒又心痛的遺言:「骯髒混亂的世界,已容不下一個Sophia」自殺身亡,黑化後的Angus(譚俊彥飾)為參加巴黎畫展,竟綁架𡃁妹(鄧卓殷飾)要脅沈越(龔嘉欣飾)繼續做「槍手」,隱藏「驚天秘密」多年的沈越,逼於無奈下公開Angus與𡃁妹的父女關係,可惜𡃁妹在逃走時意外墮樓,最終不治,深感內疚的Angus就被捕入獄。

 

龔嘉欣正式攤牌。
龔嘉欣正式攤牌。
𡃁妹逃走時意外墮樓。
𡃁妹逃走時意外墮樓。
二人睇住𡃁妹意外墮樓。
二人睇住𡃁妹意外墮樓。
阿女救唔返,睇見都好心痛。
阿女救唔返,睇見都好心痛。

 

龔嘉欣在劇中爆發精湛演技,先後應付四場不同層次喊戲,當中以喪女一幕最為觸動人心,真摯的對白更記一功:「我好多嘢未同你做呀,你走咗我唔知點算。對唔住呀!咁多年我冇同你慶祝過生日,我要睇住你結婚、生小朋友,你唔好抌低我呀。」𡃁妹就以欲言又止的神情交足戲。劇情更交代𡃁妹的真實年齡非一開始講14歲,沈越為隱藏𡃁妹的真實身份,將𡃁妹當胞妹,更刻意報細兩年歲數。

 

鄧卓殷含淚想臨終前講「媽媽」兩個字,感動不少觀眾。
鄧卓殷含淚想臨終前講「媽媽」兩個字,感動不少觀眾。
龔嘉欣原來當年為譚俊彥誕下私生女。
龔嘉欣原來當年為譚俊彥誕下私生女。
龔嘉欣在劇中喪女。
龔嘉欣在劇中喪女。
𡃁妹年齡刻意報細數,實際上是16歲。
𡃁妹年齡刻意報細數,實際上是16歲。

 

另一幕「探監告白戲」亦大晒龔嘉欣的演技,面對失去愛女及弟弟,又遭到最愛出賣的三重打擊,沈越最終如行屍酒肉般前往探監,並向Angus吐出忍足十八年的終極告白:「我十八年前識你已經係錯,唔止錯一次,係一錯再錯!我錯在選擇相信你。我一世都唔會原諒你呀!」

隨住Jason及Angus得到應有懲罰,開放式的結局似乎刻意留白。幾十年後,Angus因在獄中表現良好提早獲釋,出獄後的他「糾纏」沈越:「想睇吓你仲會唔會原諒我。」一頭白髮的沈越只豁達一笑,淡然說:「都幾十歲人,有咩話原唔原諒。」並以一幅「畫中人」作結。網民對結局反應兩極,監製王偉仁就笑指結局不止一個版本:「雖然想劇迷過到追劇癮,但我哋亦唔想暗黑到最後,所以幾經商量揀咗呢個結局,希望可以畀到少少啟發觀眾。」
 

譚俊彥受到喪女打擊,在獄中反省自己的過錯。
譚俊彥受到喪女打擊,在獄中反省自己的過錯。
開放式的結局,係咪打算開3.0?
開放式的結局,係咪打算開3.0?
龔嘉欣呢個老妝,網民就有好多意見。
龔嘉欣呢個老妝,網民就有好多意見。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章