林作稱收陳凱琳家人私下回覆 IG追蹤人數達標即公開內容被轟

2022-06-22 19:00

陳凱琳（Grace）與龍鳳胎胞弟Derek，跟父母完全不似樣的外貌一直備受熱議，細佬Derek早前在的父親節貼出與爸爸的最新合照，即再成網民焦點。「抽水王」林作又借勢發文向Derek挑機，揚言出100萬元幫陳氏父子驗DNA，證實是兩父子就給Derek100萬元。

陳凱琳父親與細佬多次被質疑是否有血緣關係。

林作日前表示出100萬，叫陳凱琳父親與細佬驗DNA，即被網民批評。

今日林作在社交網表示事件有新進展，他表示得到陳家的回覆，而且內容震撼，他寫道：「我宣佈我今早獲得陳家私下回覆，距離探究究竟是隔代遺傳還是隔壁遺傳又近了一步。過去兩小時Follower只多了200人，這樣吧，IG（追蹤人數）到達40K，我就會post出完整回應。Facebook page上此post上到1k like我也會post。如果post出嚟唔收貨，我切。包震撼。」不過有人對他的行為表示反感：「因為你這個post，我unfollow 你」、「其實關你咩事」，更有人表示「我對你爸爸比較好奇」。

林作聲稱陳家已經私下回覆咗佢。

林作稱如果IG追蹤人數達40k就公開陳家回覆內容。

林作被嘲唔抵得陳家家庭幸福美滿。

網民戥林媽媽有個咁嘅仔慘，又覺得林作看不慣別人幸福。

不過都有好多網民好似林作咁，想理人啲家事。

下午林作再於facebook發文，指陳凱琳家姐Joyce都Follow咗佢，Joyce昨晚（21日）已於facebook留言指：「林作先生，100萬會唔會少咗啲？」林作今日喜見陳家人就事件公開發言，即食住上於facebook表示：「Joyce姐忘記，其實多年前，我為了探究究竟佢哋係咪親生而用我自己私人Facebook Add咗佢。佢嘅意思，係願意做test，但價格出手太低！明白嘅，始終我用緊自己錢，人哋講緊家族顯赫，區區得100，你估我細佬Derek喺嗰個Derek咩！收到，本人馬上聯絡身在深圳嘅林母，睇下佢可否番嚟幫拖。我馬上聯絡我媽媽，大家畀少少時間我，我睇吓可以點樣加碼。」要搵媽媽求助的林作即被網民嘲笑，對於林作將IG追蹤人數及帖文Like數當籌碼，有網民表示：「乞Like乞到咁真係好折墮。」