珍寶海鮮舫沉沒｜心情無比沉重 議員陳家珮 : 而家連一絲希望都無埋

珍寶海鮮舫上星期二 (14日) 啟航離港，至星期六 (18日) 下午行駛至南海西沙群島附近水域時，遇上風浪船身傾側。拖船公司救援不果，海鮮舫最終於星期日 (19日) 入水翻轉。曾聯署去信政府要求保留海鮮舫的立法會議員陳家珮向本網表示，得悉海鮮舫沉沒的消息後，心情無比沉重，「比上星期見佢離開香港時更沉重，當時仲有一絲希望佢會返嚟，而家就連一絲希望都無埋。」

她表示，早前得悉海鮮舫要拖往東南亞時，已心知不妙，「啲海事前輩講海鮮舫原先設計係浮係水面的食府，唔係周圍走，唔可以承受大風大浪，而西沙果邊一向天氣不穩，經常有風暴，海鮮舫已經40幾年，點捱呀，但船公司話搵咗專家做咗評估話得，咁大家都無辦法，結果而家就係沉咗。」

她指一直有白武士打算拯救海鮮舫，但因為時間緊迫未能成事，她質疑政府未有全力協助，「市民睇唔到政府有誠意有心去保育呢艘船。」

陳直言現時海鮮舫已離開香港水域，香港可做的不多。

星島新聞集團慶回歸25周年專題網站，請即瀏覽：https://bit.ly/39AQC3m
立即下載｜全新《星島頭條》APP：https://bit.ly/3yLrgYZ