Juicy叮｜英國求職不易港人列7點注意 勸儲備1年失業開銷

英國4月份通脹率高達9%，百物騰貴令不少英國民眾都要節衣縮食，部分移民英國的港人對於生活成本高昂也吃不消。有網民在「連登討論區」發帖，講述在英國求職的7大注意事項。網民呼籲港人做好功課才好啓程，稅務、資產、文件等要處理妥當，生活預算起碼要承受到12個月無工作都能交租生活到，形容「真係要prepare for the worst」。

英國通脹高企。網上圖片

發文者提出，港人最好3月後才抵達英國，冬天抵達加上短時間內找不到工作好大機會抑鬱。另外，住屋無需在香港預先租好，他在英國視察了20多間屋才找到理想的，落地兩個星期後便租到，「當然樓就一定有，睇下你揀唔揀擇，你又要校網好交通好治安好價錢好就真係要耐啲」。發文者又建議，港人嘗試在香港找一份英國遙距工作，先做幾個月，租屋就可以宣稱自己有穩定工作並有收入，這樣有機會不用預繳一年租金。

網民勸港人抵達英國後才開始視察租屋。路透社資料圖片

發文者又指，求職要跟從英式自薦信，白領工作就不要只發送履歷。他形容，在英國求職就要表示誠意。發文者說「我cv send 咗90 份，頭幾份fg 唔識世界，cv 得一版...無cover letter，當然就無回音」之後就開始參照範本寫，不過都未放自薦信，他提醒港人，很多公司都用軟件掃描履歷表 ，「你都可以自己scan 下，我開頭scan 個結果係話我唔係英國…」。

發文者又透露，開首30份履歷表無放自薦信，結果明顯，行政工作多數有面試，高要求的工種就沒有。之後發文者就附上自薦信。「當然就無人地咁chur， 有啲英國人係會突登去networking 攞contact，跟住就話『I have met xyz, director of the company and blablabla』 認真我就真係無咁chur。我只係template 改下名，用companies house search 下地址，google 下間公司再copy and paste，當然寫地址就可以順便搵埋commuting time，其實份cover letter 都係hea 寫，份份工都用template 唔夠specific」。

網民講述在英國求職注意事項。unsplash示意圖片

發文者又說，面試時候最好杜撰一些「STAR」（情境（Situation）、任務（Task）、行動（Action）、結果（Result））故事，6至7個故事都夠用，「其實英國人都幾鍾意聽故事，所以可以加啲笑點，等人地可以開心啲」。如果不擅長即興發揮的話，就建議先預習好面試常見問題。

有移民英國網民講述求職注意事項。路透社資料圖片

發文者又建議，見到有聘約不要太心急接受， 「有啲工係為咗練習interview，有啲工就真係鍾意嘅，所以唔好弄假成真」。他提醒，「真係有啲公司係大伏，通常催你即刻accept 即刻返，Google map reviews 過低, glassdoor indeed 評分麻麻都係有啲問題，大家真係要小心小心」，所以資金帶夠，就不必被迫接受差劣工作。

帖文轉載自《來英搵工幾個月所感所想》

星島新聞集團慶回歸25周年專題網站，請即瀏覽：https://bit.ly/39AQC3m
立即下載｜全新《星島頭條》APP：https://bit.ly/3yLrgYZ