獨家丨谷德昭睇中林家謙夠Odd想合作 最恨《爆谷一周》變長壽直播節目

2022-06-20 07:00

真心期待,可以睇到谷導為家謙度身訂造的作品。
真心期待,可以睇到谷導為家謙度身訂造的作品。

導演谷德昭因疫情關系,由電影回歸電視,繼主持《納米無明火》後再有《爆谷一周》,節目已播到第二季,谷導除了希望長做長有變成長壽節目外,原來仲有由最初構思到現在都未能做到地方,好希望早日達成目標。講到幾時回歸電影圈,谷導坦承社會變化太快太急,仲需要時間好好模索,不過作為製作人講到新一輩藝人中最想合作,他首選林家謙。採訪杜 攝影:沈健程   服裝:Wagamamaplayground

 

近期谷導訪問人多,輪到他受訪,拍片時要求他介紹自己,竟瘋狂NG,好笑!
近期谷導訪問人多,輪到他受訪,拍片時要求他介紹自己,竟瘋狂NG,好笑!

谷導跟《納火無明火》團隊合作愉快,他曾在節目解釋欣賞團隊心地好,這個亦成為搞《爆谷一周》的精神,「訪問時睇你立心良唔良,淨係要眼球要聲音,呢樣嘢係我同埋我團隊都唔想做,心地好係一個方向,做啲咩環節唔係度有趣,而係幫唔幫到人,觀眾睇會唔會有共鳴,同埋都可以有啲好嘅影響,譬如《納米》喺社交平台都引起啲討論,有個漣漪作用幫到人,呢樣嘢我想繼續喺呢個騷度出現。」

 

《納米無明火》的口碑非常好,亦令谷導肯再做電視。
《納米無明火》的口碑非常好,亦令谷導肯再做電視。

 

谷導跟《納火無明火》的團隊合作的開心,造就了《爆谷》的誕生。
谷導跟《納火無明火》的團隊合作的開心,造就了《爆谷》的誕生。

期待訪問國際巨星

作為主持的谷導,亦唔似一般清談節目主持譁眾取寵,會追問嘉賓八卦事,他選擇做個好心地的主持,「我都有被訪時,𠵱家我去訪問人時用被訪者心理去諗,要對佢有一定了解。」而且谷導覺得每個被訪者都有成功之處值得借鏡,「就算你覺得佢好符碌,都係成功地令你覺得佢好符碌,佢一定有值得分享嘅地方。」他又承認特別看重年青觀眾,所以問題也特別為他們而設,「譬如我會問COLLAR佢哋每一個都係自卑,想話畀所有年青人聽,唔好成日覺得自己先自卑,其實每個年青人都覺得自己不足,覺得前面好迷茫,原來好多輝煌嘅人內心都係一樣,可能比起家長講,嚟得容易入耳。」

 

最新第19集《爆谷一周》嘉賓,剛剛開完26場演唱會的張敬軒。
最新第19集《爆谷一周》嘉賓,剛剛開完26場演唱會的張敬軒。

 

《爆谷》監製之一的陳佩君透露,節目除了keep住用大數據做素材外,還會有新嘗試,「就住一啲話題,搵啲相關嘅嘉賓嚟研討一下,唔一定要為咗宣傳先上嚟。」
《爆谷》監製之一的陳佩君透露,節目除了keep住用大數據做素材外,還會有新嘗試,「就住一啲話題,搵啲相關嘅嘉賓嚟研討一下,唔一定要為咗宣傳先上嚟。」

 

谷導坦承最初構思《爆谷》,受在加拿大讀書時睇的節目啟發,而節目每季13集,現在播到19集,第二季都播了大半,原來谷導有件事一直未有在節目做到,「最初傾有冇機會做Live show,或者做一個好貼近,譬如晏晝拍夜晚播,可以將時段拉近啲,我一路向呢個目標進發。」谷導坦承也希望變長壽節目,而且想版圖拓展,「𠵱家啲外國電影冇咁鍾意經香港宣傳進入內地,但如果《Top Gun》上,Tom Cruise嚟我哋節目幾過癮,我可以見到偶像朴贊郁導演,我幾Q多嘢想問佢,或者張藝謀導演嚟香港,就想上呢個節目,我最希望做到咁樣,好虛榮嘅嘢。」

 

谷導重視年輕觀眾,訪問電影《濁水漂流》團隊,亦有請學生到現場。
谷導重視年輕觀眾,訪問電影《濁水漂流》團隊,亦有請學生到現場。

 

谷導自稱是因為年資,但監製認為是面子,才令甚少接受訪問的吳鎮宇也現身。
谷導自稱是因為年資,但監製認為是面子,才令甚少接受訪問的吳鎮宇也現身。

 

有望幫ViuTV拍劇

疫情較穩定電影業開始復甦,谷導卻仲未有計劃開電影,因有令他好困擾的問題,「第一係疫情完咗跟住點呢?成個巿場跟住落嚟會點?同我哋以前做開嘅巿場係好唔同,究竟拍戲、劇定網大?我都仲喺度觀察緊,點樣先可以叫到觀眾入戲院去睇戲?另一樣好困擾係以往我拍套戲,由我生到個idea到上映,我有信心係半年之內會發生,但𠵱家拍一套戲大型少少,成個過程可能係一年至兩年,成個idea攤到凍晒。」谷導認為現在的速食文化,拍喜劇遇到的情況更嚴重,令他也考慮是否應改為拍劇集,「拍喜劇啲嘢想當造啲,但成日寫起咗,隔咗幾個禮拜就覺得好唔新鮮,定係諗個idea,直情生個劇出嚟,等佢可以長時間啲做,寧願喺人物下多啲功夫多過喺應景度。」所以他不排除跟ViuTV有另一種形式的合作。

 

林家謙的獨有odd節奏,反而成為谷導覺得可以合作的主因。
林家謙的獨有odd節奏,反而成為谷導覺得可以合作的主因。

 

講到作為製作人,新一輩藝人中除了已有很多機會的MIRROR外,谷導還有誰很想合作呢?谷導想了一陣就想到林家謙,「我覺得佢幾得意,佢好內向,但係好聰明,同埋佢timingodd,我最鍾意佢唔似任何人,佢係original,搵人最緊要嗰個人係original同埋無可替代,冇咗佢搵第二個人差啲。」雖然谷導只跟家謙在鄭中基演唱會後台碰面合照,但已想到大概可給家謙演較貼近觀眾角色,「可能家謙係營營役役一個返寫字樓嘅後生仔,但係原來佢又另有抱負,已經好有得寫。」

 

谷導掛在口邊話,件事好玩,對眼就會「令」,主持《爆谷一周》和《納米無明火》同樣有此效果。
谷導掛在口邊話,件事好玩,對眼就會「令」,主持《爆谷一周》和《納米無明火》同樣有此效果。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP https://bit.ly/3yLrgYZ

 

 

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad