獨家丨林寶玉瞓身拍撞到頭痛:珍惜每個機會 被何華超舔面舔嘴邊施暴

2022-06-18 07:00
林寶玉瞓身拍撞到頭痛,被何華超舔面濕吻施暴。
林寶玉瞓身拍撞到頭痛,被何華超舔面濕吻施暴。

「亞視一姐」薛影儀經理人林寶玉(Connie)被網民大讚索過阿儀好多,一直有做幕前的她有份參與新片《被消失的凶案》,雖然戲份唔多,但就相當搶戲。32歲嘅Connie扮演清純學生妹,慘遭無惡不作嘅何華超撞暈後施暴,施暴場口仲相當大膽。首次在幕前「激戰」,Connie堅定表示,「只要全情投入就會零包袱。」採訪:方騫平 攝影:沈健程

片中林寶玉遭何華超撼頭埋牆,撞暈後慘被霸王硬上弓,零反應的Connie攤喺床墊上,任由何華超伸脷舔勻全面再舔嘴邊,然後嚟個濕吻,最後加入連串粗暴肢體動作。Connie睇返首映先發現原來呢場戲,拍出嚟嘅效果係咁大膽。 

 

因為Connie有樣又夠搏,愈嚟愈多幕前Job。
因為Connie有樣又夠搏,愈嚟愈多幕前Job。
片中何華超興奮伸脷對住Connie,拍前要調節心情。
片中何華超興奮伸脷對住Connie,拍前要調節心情。
戲中冇晒反應嘅Connie慘被何華超蹂躪。
戲中冇晒反應嘅Connie慘被何華超蹂躪。

 

讚超哥係君子

處女下海面對施暴戲,Connie坦言初時都有啲擔心,所以拍前都要調節自己,要拋開經理人包袱,全情去投入嗰個環境。她大讚超哥係好有禮貌嘅君子,所以釋除晒疑慮:「拍攝前,超哥先同我講點樣做、會有乜動作,每個步驟都同我溝通好晒,為咗做到更加猥瑣,仲臨時要求加插伸脷舔面動作,因為拍得太過投入,加上跟拍檔有互信,我都唔記得晒當時拍咗啲乜。哈!當時撞到個頭仲好痛,我真係有啲迷迷哋。」

 

Connie大讚超哥係好有禮貌嘅君子,合作愉快。
Connie大讚超哥係好有禮貌嘅君子,合作愉快。
Connie(左)拋開經理人包袱,投入拍戲。
Connie(左)拋開經理人包袱,投入拍戲。
電影《我的筍盤男友》中Connie演情婦,「中門大開」好進取。
電影《我的筍盤男友》中Connie演情婦,「中門大開」好進取。

 

堅守三點不露

問到拍埋身「動作戲」可會尷尬?Connie好Pro咁話:「鏡頭前拍到我全祼啫,其實我有着肉色內褲及用Nu Bra 打底,超哥亦有嘢保護住前面!我哋仲隔住一塊棉墊郁動,基本上大家冇乜感覺,咪係做緊戲囉。」她認為,演戲難免有親熱戲,合情合理絕對可以接受,唔會有避忌,只會堅守三點不露。被姦戲拍咗兩日,但只係出得短短兩分鐘,Connie一啲都唔介意,仲話願意為藝術而犧牲:「我真心鍾意演戲,會珍惜每個機會,就算演醜角、情婦、花瓶、甚至喺《金宵大廈2》蒙眼被打嘅『大茄』,然後只得一千蚊演員費都冇乜所謂,每次有得發揮我都想試,因為每個都係機會,所以每次會搏到盡,希望畀觀眾睇到我對演戲嘅誠意,而唔係花瓶。」
 

 

《愛.回家之開心速遞》中跟麥秋成拍過咀戲。
《愛.回家之開心速遞》中跟麥秋成拍過咀戲。
Connie覺得做醜角好有發揮。
Connie覺得做醜角好有發揮。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章