城巴突棄辦「天元」巴士綫 走綫細兼無肉食

近日有一宗新聞十分罕見，城巴中標後罕有棄辦天水圍元朗巴士綫，令新入伙的同心村居民受到影響。這條新巴士綫，是運輸署早前決定開辦，來往天水圍至元朗中心的新路綫，會途經同心村和濕地公園路。原本由唯一投標的城巴中標，後來城巴卻以疫情下營運環境及預測營運情況轉變為由，放棄營辦。　

消息一出，巴士迷即議論紛紛，有人關心城巴為何棄辦，亦有人猜測哪家巴士公司會接辦。有人認為，連九巴都無興趣入標的路綫，可想而知有幾吸引。但城巴又非常奇特，條綫如何走綫一早已公開，夠唔夠乘客，應該一早計到數。城巴既然要投，即是接受運輸署條件，無理由中標後才棄標。

　　城巴中標後唔玩開壞先例，自然不對。但運輸署條路綫本身，都被批「離地」。有居民指，同心村一帶居民，最需要的是前往元朗市中心的路綫，「這條新天水圍走綫細到無倫，中間無乜站，出到元朗就直入工業區，工業區又唔多人返工，就算改開繁忙時段都蝕到儍。」有人更直言：「呢條綫連俾街坊日常買野嘅作用都無。」有巴士迷分析，「條綫逢多人、旺的地方（嘉湖銀座、元朗大馬路）都不經，至少應該經元朗大馬路先幫到忙。」

　　有口痕友就懷疑，可能城巴經過承辦屯門五十四區50M綫一役，終於夢醒，認清新界新發展區唔一定係金蛋，寧願早棄早着。該循環綫由屯門（興貴街）至屯門站公共運輸交匯處，去年城巴投得後，運輸署卻加批港鐵巴士K54，更可行經埋屯門市中心，又可轉乘港鐵及輕鐵，令城巴欲哭無淚。

　　為防止巴士公司再發生棄辦事件，有人建議除增設罰則外，以後運輸署招標新綫時，應容許入標者修改不多於二成的走綫，令巴士公司增加彈性，咁就唔使再出彈弓手啦！

維港會《星島》

立即下載｜全新《星島頭條》APP：https://bit.ly/3yLrgYZ