Juicy叮｜嫌樓上裝修嘈網民每晚開咪練歌「回敬」 獲贈果籃籲音量收細

有網民在「連登討論區」表示，之前樓上鄰居裝修製造噪音，其後他每日在家中高歌「回敬」，結果收到樓上住客送來的果籃，希望他能將音量收細，他明言「無理由因為佢個果籃放棄自己興趣」。

發文者說，樓上住客早前裝修需要鑽牆，產生的噪音滋擾他很久，他雖然認為新樓無甚麽好裝修，「不過呢個係佢權利，我都予以尊重」。

而發文者聲稱本身有唱歌，日日用一套幾萬元的音響唱歌，又聲稱「希望可以練到個key。因為我係練，所以唱嚟唱去都係果句，睇下唱唔唱到高一個key」。

發文者練了幾個星期歌後，終於收到管理處來電，但因為音量在法例容許範圍，而且又是正常時間練歌，所以最後不了了之。之後過多個星期他收到一個果籃，裏面附帶一張卡，大意是樓上住客女兒晚上無法集中學習之類。

網民每晚在家中練歌，以對樓上鄰居裝修的噪音還以顔色。《愛回家之開心速遞》示意截圖

發文者稱，「點算？唔敢食，驚加咗料，但掉咗佢又好浪費」。不過他表明，「我都係會繼續練歌，無理由因為佢個果籃放棄自己興趣啫?而且佢果時裝修都嘈到我，我都無要求佢道歉或者停止裝修啦」。

有人就認為，「講真。做鄰居嘅你好我好，人哋都行出第一步，你咪留意一下，互相有敵意都唔係好事」。面對其他網民質疑，發文者聲稱，「我唔係報仇。佢未搬入嚟未裝修我已經練緊，只不過我覺得佢都曾經裝修嘈咗我半年，我都無出過聲，咁我唱歌佢都唔應該有意見。我唱歌未必係噪音，見仁見智。但佢鑽牆一定係噪音，仲嘈過我十倍」。

有網民就引述法例提醒，任何人於任何時間在住用處所因進行活動而發出噪音，包括奏玩或操作任何樂器或其他器具，包括唱機、錄音機、收音機或電視機；使用揚聲器、傳聲筒或其他擴音裝置或器具，而該噪音對任何人而言是其煩擾的根源，即屬犯罪 ，並不局限於深夜。

帖文轉載自「連登討論區」

立即下載｜全新《星島頭條》APP：https://bit.ly/3yLrgYZ