陳家樂承認向連詩雅求婚成功籌備需時暫未落實婚期

2022-06-07 15:07

今日有消息指陳家樂日前在船P上向連詩雅求婚，為本月尾34歲生日的女友預早送上驚喜禮物。而陳家樂今日回覆傳媒時坦認向Shiga求婚一事，他謂：「多謝大家關心，我哋訂婚啦。收到好多朋友既（嘅）祝福，好感恩。但係結婚日子未有確實嘅計劃，因為我哋大家手頭上仍然有好多工作要專注完成先，結婚嘅計劃同籌備都需要好多精神同時間，所以暫時先放下，遲啲有好消息一定同大家分享。」

兩人拍拖兩年多修成正果。

不過陳家樂指因有很多事要準備，故未定婚期。

至於Shiga的回應也跟家樂一樣，她謂：今天想跟大家分享一個消息：我們訂婚了！收到大家的祝福，很感恩…至於關於婚禮詳情，暫時未有確實時間表，現階段我們仍專注於手頭上未完成的工作。結婚的計劃同籌備需要注入心神，加上在疫情下舉辦婚禮需要很多細節安排，所以稍後再作安排及有進一步消息也會跟大家分享。祝福大家生活愉快！」

對於好姊妹Shiga訂婚，黃翠如透過短訊回覆《星島娛樂》表示：「我知道呀，好為佢哋開心，佢哋係好可愛同好靚的一對，等待他們的婚禮中。」而周柏豪對於同門兼好友Shiga和男友陳家樂公佈喜訊，透過經理人公司表示：「嘩，佢哋結婚咩？搞錯呀唔一早話我知，可能連詩雅唔當我朋友喇，哈哈哈哈，早前知道嘅時候好驚喜，仲以為佢哋講笑，真係好替佢哋兩位開心，祝福佢哋都幸福健康美滿，Shiga & 家樂，等你哋張帖呀！」