袁文傑與準港姐Bobo撞樣 認神似睇相嚇一跳

今年是港姐競選50周年的金禧誌慶，日前在將軍澳電視廣播城進行首輪面試，雖然質素見仁見智，但瞬即成為網民熱話，連「潮生」袁文傑都有留意，還在逾百位準佳麗當中，尋找到一位「失散妹妹」。

 

袁文傑在社交網上載一張準佳麗的相片，與自己的相片併埋，五官輪廓竟然有9成相似，連笑容亦好一致，袁文傑寫着：「老友發了張圖來，問我幾時有個妹冇介紹佢識，我…睇完嚇一跳 ，然後得啖笑。」網民紛紛留言「勁似樣」：「《愛回家》新角色.....潮姑娘」、「仲以為係你扮！」、「你親生妹都未必咁似」等等。這位準佳麗其實名叫Bobo，今年21歲，未知能否晉身第二輪面試，讓大家了解她更多。

 

準佳麗Bobo同袁文傑五官好相似，只係皮膚白淨啲。

 

袁文傑話睇完都嚇一跳，然後得啖笑。

 

笑時候仲似。

 

朋友叫袁文傑介紹妹妹畀佢識。

 

網民話可以做《愛回家》新角色--潮姑娘，創意十足。

 

袁文傑同老婆張潔蓮都好鍾意動物。

 

而另一位準佳麗亦被似指YouTuber霍哥，霍哥亦有親回網民： 「唔好再問我係咪參選港姐，我冇！」

 

網民話呢位準佳麗有啲似霍哥......

 

霍哥搞笑澄清自己冇參選。

 

更多新冠疫情資訊，請到以下專頁瀏覽按此

立即下載｜全新《星島頭條》APP：https://bit.ly/3yLrgYZ