劉小慧護名種犬用「驅狗器」嚇走唐狗遭網民鬧爆急道歉解釋

2022-06-04 18:30

50歲的劉小慧年前捲入「虐馬」風波，被指為求獎金，要曾有腳傷及兩度心律不正的「駿王」，退役後再次在澳門出賽，事後小慧解釋一心想讓愛驅返內地安享晚年，奈何入內地程序繁複，才有此安排。近日小慧開直播期間，又被指歧視唐狗，狠批她非真正愛狗之人！

劉小慧和與老公蘇志威都是「寵物狂」，家中養有藏獒Coolman、貴婦犬Scooby、異國短毛貓豹豹、異國短毛貓波波等，有指養寵物每月花費至少3萬元。昨晚小慧和老公蘇志威帶同貴婦犬Scooby到西貢海邊開直播，期間分享放狗「恩物」，指自己會帶同皮鞭與愛犬散步，因為Scooby無論見到陌生人或狗都表現興奮，而皮鞭不是用來打狗，而是用來嚇狗，好讓Scooby冷靜：「佢不知世間險惡，因為太善良，萬一佢衝去一啲惡狗度，實打死佢。」

小慧推介「執屎神器」。

小慧即場示範用「超聲波驅狗器」，話對唐狗特別有效。

蘇志威拖到愛犬實一實。

小慧仲帶埋皮鞭，目的係要令貴婦犬Scooby「驚驚」。

小慧又示範用「執屎神器」，她稱：「佢哋去完Poopoo，你用膠袋執，感覺核突，變咗唔使用手去執有溫度嘅Poopoo。」而最後一樣聲稱在淘寶購買的「超聲波驅狗器」，她指Scooby太唔冷靜，如行山時遇到好多唐狗，一按制聲率便會令唐狗「雞飛狗走」，她說：「我試過唐狗係特別特別有用，但例如一啲名種狗係免疫。」小慧更即場示範用「超聲波驅狗器」對住名種狗，只有側頭少少反應。

事後網民一面倒狠批小慧沒有同情心，更不應該將狗分等級，紛紛留言：「狗係咪名種就唔識分啦，人有無愛心同情心就好易聽得出」、「講真d狗住個到！你入人地地盤，佢保衛家園吠係好正常！」、「跟本唔識養狗，感覺拎隻狗嚟做Show，我未見過主人帶隻狗出街，要拎支野出嚟嚇佢先聽話，如真心當狗狗喺自己兒子，唔會連執屎都驚臭！」等。

網民一面倒鬧爆劉小慧。

指狗仔應無分貴賤。

面對一片謾罵聲，小慧亦有在留言區道歉，指曾有愛貓被狗咬死，才會如此恐懼：「我很抱歉昨晚的直播引起很大迴響。因為我的貓曾經被狗咬死，所以對於過分熱情的狗狗比較恐懼。所以一般帶小寵物岀街時，我都會帶備驅狗器，我不是因為甚麼狗種或流浪與否而去用，只會在生命受到威脅時才會用。我承認可能過往因為我的貓被狗咬死，所以才會比較恐懼。引起大家不安，實在抱歉。」