阿媽有咗第二個丨姜濤由茶餐廳伙記被捧做歌星 遭哎吔兄弟Jer呷醋單打

由彭秀慧執導，毛舜筠、姜濤、柳應廷（阿Jer）主演的電影《阿媽有咗第二個》，早前入圍第十七屆大阪亞洲電影節競賽項目，同時亦奪得芝加哥亞洲躍動電影節「觀眾票選獎」。香港由年初開始一直受新冠第五波疫情影響，令《阿媽》遲遲未能上映，為此觀眾皆十分期待，當然尤其是姜糖及柳柳粉（Fans暱稱），真係望穿秋水。

 

毛姐扮經理人阿媽。

 

姜糖大讚姜濤此露額造型好可愛。

 

Jer扮學生毫無違和感。

今日電影公司英皇發放首條預告片，片中講述飾演「阿媽」的毛舜筠重操故業做經理人，並計劃打造由姜濤飾在茶餐廳做伙記的「方晴」做歌手，至於由Jer飾的毛姐囝囝「子軒」，卻對阿媽的決定似乎不太支持，其後兩子「同居」，惹阿Jer不滿；經常單打姜濤，當姜濤介紹自己做茶餐廳時，阿Jer冷漠回應︰「睇得出！」又拒絕姜濤邀請一齊唱K，二人對手戲擦出不少火花，而兩子的演出也十分自然，入型入格。
 

姜濤和Jer在廚房相遇。

 

Jer出言寸阿媽毛姐，但對白好搞笑。

 

姜濤演茶餐廳侍應，幾鬼神似。

 

不少網民、姜糖及柳柳粉看完預告紛紛留言大讚姜濤罕有露額的造型十分可愛，又表示：「阿Jer演中學生毫無違和感。」不過電影公司暫未公佈上映日期，不過網民已相當期待入戲院支持，更笑言：「希望唔使再好似撲演唱會飛咁321。」

 

毛姐介紹姜濤給Jer認識。

 

不過Jer表現好冷淡。

 

Jer拒絕跟姜濤一齊唱K。

 

另外，姜濤今年再為某品牌雪糕月餅做代言拍宣傳相。

 

更多最新疫情資訊，請到以下專頁瀏覽 按此  

立即下載 | 全新《星島頭條》APP : https://bit.ly/3yLrgYZ