獨家丨陳曉華蒲書局買心靈畫冊 買狗仔衫揀足45分鐘

27歲嘅陳曉華(Hera)呢期曝光率好高，因為幾套劇都有佢份，《食腦喪B》及《廉政行動 2022》，要忙宣傳咁咪冇時間拍拖?之前有傳方力申送狗公仔力追Hera，兩人皆否認，女方仲話忙到連阿媽都少見，關係仲變得好疏離。日前就見到Hera抽空去銅鑼灣揀狗仔衫，然後去書局睇書，行為都相當文青，小方想加分，下次唔好送狗公仔，送書啦。

狗仔衫好得意，陳曉華心大心細唔知買邊件好。

42歲的方力申自從6年前與拍拖10年的鄧麗欣分手後，先後與馮盈盈及陳瀅傳緋聞，至今依然堅稱單身的他，被爆跟陳曉華發展地下情，對於突然同小方傳緋聞，Hera一頭霧水，「我哋以前合作過係朋友，但唔係經常聯絡，緋聞唔係真，我都想佢快啲搵到真命天女。」

去年兩人為玄學節目擔任嘉賓。

睇到好入神
日前傍晚，Hera獨自到銅鑼灣希慎廣場行街，由於地下有寵物用品展覽，家有愛犬嘅佢係咁睇，情有獨鍾得意狗仔衫，有運動款有晚裝款，件件都好靚，揀咗成45分鐘都冇收穫，最後問店員攞埋咭片就離開。之後行咗上書局，孭住相機嘅Hera睇得好入神，見到啱嘅書就會影低佢，最後買咗兩本書，一本係南韓藝術家 Henn Kim 黑白圖文作品集《Starry Night， Blurry Dreams》，屬於心靈治癒系書籍，可以令讀者釋放悲傷情緒，唔知 Hera有咩心事呢?

陳曉華揀咗45分鐘都決定唔到。

好多款，又真係好難揀嘅，小方識做啦。

再去書局睇書。

睇啱書，佢會用部大相機影低封面。

陳曉華及愛犬叮叮。

陳曉華買咗呢本《Starry Night， Blurry Dreams》。

更多新冠疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ