Juicy叮｜揭丈夫隱瞞投資股票賺100萬元 妻：可共患難不可共富貴

夫妻之間就金錢問題應否開心見誠坦白惹來爭議，有女網民在「親子王國」討論區發文，稱揭發丈夫炒股賺了100萬元但沒有透露，批評對方「可共患難不可共富貴」。

發文者說，最後股市情況差，一直知道丈夫有買股票，有時見他唉聲嘆氣，鬱鬱寡歡，所以無問他投資表現。但身邊有個共同朋友告密，指她的丈夫食飯時突然「好豪氣話呢餐我嘅」，請了三千多元一頓飯，問發文者其丈夫「係咪發咗達」。

發文者本身都不太信，但最近好像電視劇情節聽到丈夫細細聲在廁所講電話，她於是在門外偷聽，「點知聽到佢教緊人點買股，跟住我估果條友問佢呢排贏咗幾多，佢就沾沾自喜咁話『唔多，啱啱好一球囉』」

發文者聽到「眼都凸埋」，怒指「即係你輸幾多我都會支持你，但贏錢就完全唔同我講，我係你老婆嚟喎，即係可共患難不可共富貴？」

網民不滿丈夫私下投資股票賺了100萬元都隱瞞。示意圖片

不少網民都批評做法不可接受，「你老公咁過份。佢應該講畀你聽大家一齊開心去慶祝。俾我會好嬲。」有人就建議，「我覺得如果係個心係唔舒服嘅, 問清楚釋除疑慮比較好, 又可以確定有無怪錯你老公, 影響感情」。

有過來人就認為，「贏錢唔講點都好過輸錢唔講，我老公輸咗幾十萬都係前排我自己發現， 佢一樣無同我講，好在唔係等錢開飯。然後俾我知道今年好多人輸錢，身邊啲朋友老公大多都輸錢唔出聲，大部分都輸幾十萬，有個就離譜啲，2個月後要移民，身家輸大半，我都唔知佢點算好。所以掉轉頭諗下，你老公唔輸，有贏都好叻了」。有人說，「我老公今日先話輸咗幾萬，我問佢做乜唔話我聽，因為啲錢係我嘅。佢話幾萬咁少使乜講」。

帖文轉載自《C6炒股贏左一百萬，但冇同我講》

立即下載｜全新《星島頭條》APP：https://bit.ly/3yLrgYZ