第75屆康城影展丨陳法拉拖老公出席晚宴獲李政宰主動邀請合照

2022-05-23 14:00

「第75屆康城影展」近日進行得如火如荼，張曼玉（Maggie）前夫、法國導演阿薩耶（Olivier Assayas）將當年由Maggie主演的電影《女飛俠再現江湖》翻拍成迷你劇，該劇昨晚（22日）於影展中舉行首映禮，有份參演的陳法拉首次踏足康城紅地氈，以露肩晚裝配過千萬鑽飾示人。法拉受時表示：「第一次喺康城行紅地毯，當然開心啦，仲可以同劇集演員再次碰面，係好難得嘅機會。劇中演員嚟自世界唔同嘅地方包括：法國、中國、瑞典，德國，美國等，好似一個聯合國，大家拍攝時相處都好似一家人，加上老公本身係法國人，可以陪我一齊嚟康城出席今次盛會，所以我哋都好開心。」

法拉透露參演這部劇集有不少難忘經歷，從演以來首次一人分飾兩角，她很享受這個挑戰性演出：「一個戲外嘅角色、一個戲內嘅角色，分別30年代同現代，所以演出時要花更多時間調整角色嘅演員狀態，好期待喺首映中連續播出3集。」不過法拉的戲份要在在第4集才會出現。

法拉（左四）有份演出張曼玉前夫阿薩耶（左二）拍攝的劇集。

法拉好靚呀。

艾莉茜亞拖老公米高法斯賓達出席首映搶鏡。

提到身邊有位法國丈夫，近水樓台，法文應該進步神速，但法拉卻說：「錯啦，我嘅法文太差，水準太低，老公同我都溝通唔到。自從佗咗Mila（囡囡䁥稱）之後，因為唔想佢同爹哋Daddy有secret language，所以我惟有搵法文老師私人教授，但今次嚟到康城發現自己學咗兩年嘅法文，依然用唔到，可能未夠信心同有啲怕醜，唔敢開口講。」

此外，法拉較早前出席贊助商的晚宴遇上不少各地知名的影星，其中包括人氣韓劇《魷魚遊戲》的男主角李政宰，法拉透露主動上前自我介紹時，對方想了又想，覺得她很熟口面，最後才記起她是《尚氣》中的「麗」，之後拿出手機主動跟法拉自拍留念。

法拉和老公一同出席晚宴。

李政宰邀請法拉一同自拍。

另外，當地時間昨日由導演Ali Abbasi執導的電影《Holy Spider》首映禮，再遇到示威，但未有受到保安阻止，一群穿上全黑晚裝女子拉着巨型字幅到場，有指上面寫有129名曾遭家暴的女子名字，她們更利用手上的放煙器令現場煙霧瀰漫，那些女子來自女權組織Les Colleuses。《Holy》改編自真人真事，講述一名女記者在伊朗調查妓女被連環兇殺的事件。