吳林峰被的士以無理原因拒載 嬲到連環出Po發洩兼爆粗

唱作歌手吳林峰近年知名度愈來愈高，上月在ViuTV的《CHILL CLUB》頒獎禮上更獲得作曲人獎，而日前他在IG限時動態連環出Post轟被的士拒載的不快事，吳林峰更一度嬲到爆粗。
 

日前出任張敬軒演唱會嘉賓。

 

一開始出Po，已忍唔住爆粗。

 

截的士去沙田，但司機竟然太大雨為由拒載。

 

跟住司機仲話吳林峰說地點時不清不楚，真係好受氣。

 

吳林峰在文中指截的士去沙田，但司機竟以「太大雨唔去沙田」為由拒載，他不憤即反駁謂：「吓？你架車有頂ga（㗎）窩（喎） 唔係電單車窩（喎）...」惟司機未有理會即開車離去。吳林峰心有不甘即連環出Post狂呻：「想搵曬（哂）全世界錢嘅又係你，畀錢你搵就要斤斤計較、諸多要求。哩（呢）度唔去、個（嗰）度唔方便，嫌棄近、嫌棄遠。」吳林峰又憶述先後三次告訴司機去第一城，但對方卻聽錯為又一城，隨後更反指摘他說得不清楚，吳林峰再轟：「我覺得自己好似你老母咁，要包容你體諒你。不過事實個（嗰）句，我有畀錢sorry。」

 

咁又唔係全部的士司機都咁衰，大家真係要互相尊重。

 

吳林峰指因自己冇信用卡，所以唔可以用Uber。

 

除了今次拒載事件，吳林峰亦批評的士幾年便加一次價，但服務卻未有提升。此外，他亦指有的士司機危險駕駛，不顧乘客安全。吳林峰指自己因無信用卡而不能電召Uber服務車，最後他再重申：「真係講互相尊重，唔通下下『X你老母的士佬』咩。希望好嘅司機一生平安，唔好嘅司機......盡快變返好。」 

 

爆粗都係發洩吓。

 

女朋友應有安慰返佢。

 

更多最新疫情資訊，請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ