42年歷史餅家獲業主平租重開 婉拒貴人2000萬買舊鋪：受唔起恩惠
2022-05-19 23:00 
位於深水埗北河街、已有42年歷史的傳統餅店「均香餅家」敵不過租金加幅，去年8月結業，一度吸引大批市民到場光顧。不過這間42年的老餅店最近在深水埗獲得貴人及良心業主幫助重開，而且是舊址旁邊一個鋪位。
昨日播出的《東張西望》，吳太透露有一位經營拍賣行的貴人看到電視報道結業，於是希望伸出援手，說「呢啲特色鋪喺香港買少見少……於是，呢間拍賣行嘅老闆叫咗秘書嚟搵我，秘書話『我老闆想聯絡你嘅業主，想買鋪，然後租畀你』」。
雖然吳太十分感激感恩，不過她自言只是個小小的平民，知道舊址業主出高價2000多萬元賣鋪，只能婉拒對方好意，「哎呀！我當時真係……佢又攬住我喊，我又攬住佢喊，嗰種人間有情，連我啲夥伙計都喊埋……無親無故，我唔識佢，我只係一個小小嘅平民喺度賣吓包，維持生計，養大啲細路，我一個咁渺小嘅人，點能夠受人哋咁大嘅恩惠……去幫我？當時真係喊到收唔聲……」
吳太婉拒拍賣行老闆的幫助，對方仍然十分關懷餅家，「佢話以後有咩幫忙，叫我即管出聲。我成日都記住呢個老闆，點解咁好？我何德何能……對我咁好？我係咁低微嘅人……我成日咁諗。」
天無絕人之路，老餅鋪結業之後，恰巧旁邊中醫館的醫師要退休，吳太馬上向對方提議，可否代為問業主租給她，對方同意以原有租金放租，「呢個係良心業主，咪繼續租落去，業主照番醫師舊租約（價錢）畀我哋，仲平過我以前間鋪！而家租金唔使3萬蚊，真係好奇妙呀！」。
而巧合的是，雖然1975年製造的舊爐具在餅家搬運時損壞了，不過打聽得悉廠商仍然有在香港生產爐具，於是訂造了相同的爐具，再次出爐香港傳統糕餅。
最新回應