安普賢34歲生日合十收禮 劇接電影做埋綜藝抽空應援燈箱打咭

又高又大隻的安普賢自從主演《柔美的細胞小將》後人氣勁升，零空檔緊接入《軍檢察官多伯曼》劇組，一拍完即同潤娥拍攝浪漫喜劇電影《兩點的約會》，劇情講述一個擁有超乎想像祕密嘅女人，每日同住喺樓上嘅男人見面後，都會展開一段溫暖嘅浪漫故事。電影是安普賢繼16年拍攝《哥哥》後，時隔5年回歸大銀幕之作。另外又傳出安普賢有望跟申惠善合作演出漫改劇《今生也請多指教》，戲約不斷。

 

出道前曾經是拳擊選手，曾代表家鄉釜山參加全國大賽拿下金牌的安普賢相當大隻。

 

個樣亦唔差，難怪作品一套接一套。

 

《軍檢察官多伯曼》收視超好。

 

除了電影之外，安普賢更要挑戰綜藝界，和名廚白種元、同為演員的吳代煥與歌手DinDin四人一齊擔任tvN新料理綜藝節目《白Packer》（原名Backpacker背包客，因白與Back韓文同字所以又譯「白Packer」）固定班底，每集要以一個背包能容納的材料量，在有限的時間內為陌生客人準備一餐。是安普賢繼‎20年作客節目《白種元的胡同餐館》‎後再次與白種元合作。

 

tvN新料理綜藝節目《白Packer》。

 

本周一是安普賢的34歲生日（韓國年齡35歲），他在IG PO出合十收禮相，有蛋糕有花有名牌禮物，雖然數量唔算多，唔似安孝燮收到成個廳都係禮物搞到愛貓冇位行，但佢都好感恩，留言：「真誠的感謝。」另外有日本粉絲落燈箱廣告賀偶像，佢百忙中都抽空去打咭，相當識做。

 

安普賢感恩收到好多禮物。

 

抽空去打咭。

 

日本Fans好有心。

 

之前安孝燮收生日禮放滿客廳。

 

搞到愛貓都冇位行。

 

更多新冠疫情資訊，請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ