CHILL CLUB頒獎禮丨欣宜默認跟花店老闆Derek愛火重燃 6月開騷要跳到甩肺

2022-04-25 10:30

鄭欣宜喜事連連，繼上周宣佈6月11日及12日再踏紅館舉行演唱會，昨晚（24日）在ViuTV的《CHILL CLUB推介榜年度推介21/22》頒獎禮上，首奪年度女歌手金獎，還默認有新戀情！瘦了又靚了的欣宜表示是刻意為個唱減肥，並說：「我專登，因為第一次做演唱會時好黑仔，跌斷腳郁唔到，至開騷前一個月先可以做運動鍛鍊身體，其實鍛練唔只係為肥瘦問題、係為體力，所以今次我好努力注意飲食及做大量運動，包括打泰拳、請私人健身教練、及不斷學跳舞，事關唔想因為被身體或任何事阻礙自己發揮得最好，我要炸爆舞台、跳到甩肺！」

欣宜（左三）跟同公司的歌手也取得好成績。

欣宜真係瘦晒又靚晒。

說到有傳也是為情減磅？欣宜即說：「唔會！我只會為着靚衫減肥。」是否與舊愛Derek舊情復熾？欣宜未有否認：「我會用音樂分享秘密，大家想知就聽多啲我嘅音樂、嚟睇我嘅演唱會。」男友會否到演唱會支持？欣宜也只是笑說叫大家留意。雖然欣宜對感情情事一直賣關子，但問到對方是否傳聞中的花店老闆，她甜笑默認：「我超鍾意花！」指欣宜愛情事業兩得意，她稱現階段最緊張是演唱會，並希望樣樣都順利。