宋江遊走生日應援打卡慶28歲趕拍《Sweet Home 2》準備隨時入伍

2022-04-23 23:30

韓劇《氣象廳的人們：社內戀愛殘酷史篇》男星宋江今日（23日）28歲生日，佢就一早去地鐵站睇粉絲為自己搞嘅生日應援，兼且打卡上載到社交網，仲有坐喺氣球、花束、蛋糕同禮物中間，擺出心心手勢影相答謝粉絲。佢留言：「感謝大家每次給我大大的愛，我得到很大的幸福。非常感謝！祝大家有個愉快周末。」

宋江主演的《氣象廳的人們》於本月初播出大結局。

宋江逐個生日應援打卡。

宋江留言感謝粉絲。

估計宋江今日都只是抽出少少時間去影張相，事關已屆兵役大限嘅佢，今年隨時被召入軍隊。而佢現時正忙於為《Sweet Home》第二季開工，日前就有網民分享路透照，見到飾演「車賢秀」的宋江與第一季都有份嘅「邊尚昱」李陣郁在商場內拍攝。穿上西裝企喺木盒上嘅李陣郁，神情凝重望向背對鏡頭嘅宋江，未知今次嘅劇情係咪第一季嘅延續。