周秀娜睇完醫生敏感好轉 儲低中西醫生名以後唔使驚

周秀娜（娜姐）飽受皮膚敏感困擾，日前公開頸、胸口和手腳都生滿紅色粒粒的照片，透露連打針食類固醇都冇幫助，非常嚴重。

娜姐條頸同心口都紅哂。

 

娜姐昨日在IG Story更新敏感狀況，從佢上載嘅手腳照片可見，紅點依然非常密集，不過娜姐就表示已睇咗專科醫生，「第三日起身情況依然很差，終於等到星期二有專科啦，睇完醫生之後才去開工 #心痕痕好想見醫生」。

密集恐懼症唔睇得呢張相。

 

其後，娜姐再貼了一張對比照，只見腳部的紅點已退了不少，睇嚟見完醫生後情況已經好轉，她感謝大家提供的治療方法，更表示以後唔再驚敏感，她表示：「呢2日有好轉啦，起碼食完藥瞓到覺。」Hashtag多謝各位提供嘅不同治療方式 ，又指已經儲低咗好多中西醫生，仲話以後無死啦我唔驚你啊 ，可能好多敏感人士提供方法，令娜姐知道「原來咁多人有敏感情況 」，最後佢多謝各位關心。

 

雖然都有紅點但好返好多嘞。

 

另外，娜姐又貼了一束太陽花的照片，並冧爆寫道：「讓人心情好」，網民都好奇追問送花者是誰？娜姐梗係唔話你知啦。

 

收到靚花。

 

更多第5波疫情資訊，請到以下專頁瀏覽按此

立即下載 | 全新《星島頭條》APP : https://bit.ly/3yLrgYZ