周杰倫昆凌一家揭曉第3胎性別 粉紅氣球滿天飛

台灣天王周杰倫1月時宣佈太太昆凌陀第3胎，二人一直對新成員性別守口如瓶，即使早前台媒已有消息指昆凌這胎陀女，他們仍沒有正面回應。就快生得嘅昆凌，今日於IG限時動態上載短片，公佈這胎是女兒。

 

周杰倫1月宣佈再造人成功。

 

 

周杰倫已育有一仔一女，家庭即將再迎來新成員。

 

周杰倫一家四口現身影片中，仔女照舊戴上太陽眼鏡遮咗半塊面，真面目仍充滿神秘感。片中可見昆凌拿着黑色大氣球，由老公刺破，連大女都嚇一跳，而旁邊即時飄出很多粉紅色氣球，好明顯呢胎係女呀！昆凌於IG限時動態上載影片，同時亦問網民有冇估中佢呢胎陀女呢？其實周杰倫與昆凌2015年結婚，早已湊夠個「好」字，如今周杰倫再迎來多一位「前世情人」，真係幸福嘞！

 

周杰倫一家四口公佈新成員性別。

 

見到咁多粉紅色氣球就知呢胎係女啦！

 

周杰倫好冷靜！

 

昆凌就快生得。

 

更多第5波疫情資訊，請到以下專頁瀏覽按此

立即下載 | 全新《星島頭條》APP : https://bit.ly/3yLrgYZ