張紋嘉遇壓力例牌胃痛 　靠瑜伽食療雙管齊下

前HotCha成員張紋嘉（Crystal）早前亮相開電視首個處境喜劇節目《嘉嘉醫療自助班》，與主持敖嘉年及梁嘉琪，以處境喜劇形式，討論健康問題。

Crystal自言因壓力所致長期胃痛，最嚴重試過胃痛到發燒及胃抽筋，更要入院治理；她說：「我估係工作壓力大，經常食無定時，甚至係無食，細個嘅時候就因為考試及趕交功課而胃痛。」

Crystal透露曾因胃抽筋而入醫院。

Crystal露兩手，教大家如何用瑜伽動作舒緩胃痛。

由於長期受胃痛煎熬，Crystal從飲食着手，她分享貼士：「會多吃秋葵同木耳，加強胃壁，個胃會冇咁易唔舒服，而喺蔬菜選擇上，會揀啲較幼嫩嘅菜，因為太老嘅菜會令個胃較難消化，而我亦會間中食粥清腸胃。」除了飲食之外，Crystal亦會透過瑜伽的伸展動作來舒緩胃痛。

敖嘉年笑言要向梁嘉琪學做主持。

敖嘉年喜跟梁嘉琪學習

此外，敖嘉年透露已多年沒有擔任主持，他笑言要跟梁嘉琪學習，身旁的嘉琪聞言即哭笑不得，而嘉琪就透露今次節目，可以令她過戲癮，她說：「有一集我哋會喺處境劇中客串，其實我都好多年冇演戲，終於可以得償所願。」

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ