獨家丨詹瑞文就快去意大利影展 出發前帶埋女友約江若琳Oscar飲茶

西貢、長洲等地方因為復活節假期迫爆人，網傳大嶼山巴士司機怨氣錄音：「唔掂呀陸沉嘞。」好多當地居民呻到樹葉都落，放假都唔敢出街，驚出入都勁塞咁話。

 

上周六（16日）下午，家住西貢的江若琳及老公蕭唯展（Oscar）約咗街坊詹昊宸（原名︰詹瑞文）去飲茶，同行仲有「舞台劇教父」的女友Amanda，四人選坐酒樓的地下近門口位置，唔算隱閉，出出入入都見到，無計啦，門口成村人排隊攞位，仲邊有得你揀。

 

四人坐喺門口旁位置。

 

Amanda同Oscar都好好傾。

 

西貢街坊聚會。

 

四人好好傾，飲足個幾鐘就埋單走人。問吓蕭太點解咁好雅興喺人迫人嘅時候去飲茶，同埋點解會約埋詹Sir呢？蕭太對《頭條娛樂》表示，「同詹Sir因為2018年合作拍《VR驅魔人》而認識，我哋係西貢街坊，其實經常都會約食飯，因為詹Sir嚟緊去意大利出席影展，出發前就約飲茶囉。」

 

江若琳同詹Sir因為拍攝ViuTV劇而認識。

 

兩公婆住咗西貢之後愈嚟愈Fit。

 

詹Sir喺17年同女友喺西貢舊墟開咗間500呎嘅Cafe，江若琳話久不久都會去幫襯。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ