鄧健泓自爆背李施嬅情挑石詠莉被轟渣男受訪片離奇下架

2022-04-17 11:30

鄧健泓感情史多籮籮，入行後先後與蓋世寶、原子鏸、李施嬅、龔嘉欣等拍拖，又曾與龔嘉欣和張嘉兒陷入三角戀，被網民戲稱「食」女無數。但自從2013年同石詠莉撻着並於2017年結婚後，夫妻恩愛9年，鄧健弘亦成為緋聞絕緣體。

早前鄧健泓亮相陳敏之的影片頻道，重提感情史，自爆早於2007年已對石詠莉心動，背着當時女友李施嬅情挑石詠莉，他亦直認賤格：「我第一次見佢（石詠莉）係喺《勁歌金曲》，我做完《勁歌》後......呢啲咪賤格囉！我傳訊息flirt（調情）佢。因為我嗰陣有女朋友，我只係flirt佢。我知佢住西貢，嗰度有間麥當勞，我約佢食宵夜，佢話『好呀』。但始終有個問題唔係好好，我有女朋友......結果講完就算，因為我驚！堅驚！所以當佢係朋友，07年後無再溝通。」

鄧健泓接受陳敏之網上頻道訪問，直認與李施嬅拍拖期間Flirt石詠莉。

講番2007年對石詠莉已有感覺，講到手舞足蹈。

二人2013年開始拍拖，並於2017年結婚，夫妻恩愛9年。

好sweet！

直至2012年，鄧健泓回復單身，偶然聽到石詠莉翻唱《我代你哭》，才鼓起勇氣再聯絡女方，並成功追到心中女神。雖然鄧健泓已認「衰仔」，但精神出軌已令形象受損，網民一面倒鬧爆他是「渣男」；近日有網民發現該集影片離奇下架，懷疑有人「玻璃心」要求將片段刪除，對此陳敏之向傳媒表示是技術上錯誤，很快會將影片重新上架。