《12日》入圍烏甸尼遠東電影節鄧麗欣馬志威盼親身參與分享愛情觀

2022-04-12 23:30

已有24年歷史的烏甸尼遠東電影節，是歐洲最大型的亞洲影展，今日大會公佈入圍名單，由伍健雄監製、林愛華執導、鄧麗欣（Stephy）及馬志威（Edward）主演的電影《12日》，入圍該影展競賽部份，競逐「The Mulberry Award For Best Screenplay」獎項。台前幕後為此感到十分興奮。

Stephy獲編劇兼導演林愛華讚用心演出，演活其筆下角色。

台前幕後為《12日》入圍影展競賽部份，感到十分興奮。

身兼《12日》編劇的林愛華導演，對於電影能夠獲得提名十分開心，她表示：「有賴演員嘅精采演繹，先可以令劇本變得有血有肉有靈魂，所以好多謝Stephy同Edward嘅用心演出，演活我筆下嘅Jeannie同Simon。」

二人在片中演繹一段戀愛的悲歡離合。

身為女主角的Stephy也很高興電影能夠入圍，並說：「希望透過《12日》呢部電影，可以俾海外嘅觀眾了解喺地少人多嘅香港裡面，可以點樣成全一段戀愛嘅悲歡離合。」Edward則補充說：「觀眾透過大銀幕去見識我哋嘅戀愛模式同態度，相信會有意想不到嘅衝擊，但同時亦可以搵到一份共鳴。」二人對此片有很深的感受，因故事反思愛情，希望在情況許可下，能夠親身參與這次的影展，與當地影迷作深入的觀映交流，分享愛情觀。