Edan自認唱唔出《Mr. Stranger》性感味道 跟Anson Lo孖住揀歌

MIRROR成員呂爵安（Edan）在本月1日推出首隻個人跳唱歌《Elevator》，昨日他接受電台節目「叱咤樂壇」網上直播訪問，重提於4月1日愚人節MV首播竟玩「爵屎」（粉絲暱稱），首播時間不但一改再改，還播女鬼片及嘲笑片來整蠱網友及爵屎，Edan直認：「條橋係我度出嚟，新歌最初打算2月出，不過因為疫情影響拍攝延至3月尾，花姐（經理人黃慧君）就提議不如索性等愚人節出玩大佢。」幸好出來反應是正面，大家都認為應節及搞笑。

 

新歌MV首播日，竟先後兩次整蠱網民及爵屎。

 

今次是Edan首隻個人跳唱歌。

 

不過今次推出跳唱歌，Edan坦言自己與花姐事前也有擔心外界反應，他又指監製給了不少歌曲Demo給他揀選， 原來Edan也有聽過盧瀚霆（Anson Lo）的《Mr. Stranger》Demo，一聽便感覺很有型，當他再聽《Elevator》Demo即覺得這首歌予人輕快及開心感覺，很適合自己，及後Anson Lo表示鍾意《Mr. Stranger》， 所以他便揀選該首歌，Edan笑謂：「因為《Mr. Stranger》我覺得自己暫時未能做到嗰種性感，遲啲啦。」Edan又表示希望之後有機會推出像《Gangnam Style》曲風的歌曲，因他很想出一首歌可以「玩到盡」，而稍後《Elevator》將會推出Dance Version。

 

Edan昨日接受電台節目的線上直播訪問。

 

歌曲監製亦有給Edan（中）聽Anson Lo（左）《Mr. Stranger》Demo。

 

此外，有指劇集《大叔的愛》原班人馬將開新劇，Edan未有正面回應，只謂：「大家等吓遲啲嘅消息，我暫時未知係咪真係會參演，唔夠膽咬實同大家講我會做，我怕大家失望。不過我的確聽過有呢個計劃，但我會唔會拍仲係未知之數。」至於MIRROR演唱會，Edan則直言：「演唱會係籌備之中，相信今年內會同大家見面。」
 

Anson Lo一聽就鍾意《Mr. Stranger》。

 

MIRROR今年將會再舉行演唱會。

 

更多第5波疫情資訊，請到以下專頁瀏覽按此  

立即下載 | 全新《星島頭條》APP : https://bit.ly/3yLrgYZ