Juicy叮｜買雞拜山後回店要求斬件遭抱怨 港男翻一年前舊帳惹議

不少孝子賢孫掃墓時，都會帶同燒味等食品拜祭先人。日前有網民在社交群組撰文，聲稱去年在一間燒味店買雞祭祖後，將雞帶回店要求斬件遭燒味師傅抱怨，更明言要「數臭」該店。結果事主所為惹來其他網民熱烈討論。

事主於周二清明節當天在「大埔 TAI PO」群組撰文，稱自己在去年的清明節於區內某燒味店買燒肉及雞掃墓，到下午掃墓後將雞帶回店請師傅將雞斬件，卻遭對方抱怨：「拜完拎番畀你斬件，係到𠵱𠵱哦哦，話阻佢做生意！」事主更掦言發文是要「公審」該店：「呢間都咁多人幫襯！真係數臭你！」

然而，大多網民對事主的做法並不受落，更認為那是不良顧客所為：「仲好意思大條道理講。」「都唔知攞過去邊，我都唔幫你斬啦！」另有網民認為店方幫忙是人情，不幫忙是道理，即使出手相助，事主應該給師傅「利是」表示心意：「你拜完神，拎番舊肉比人斬，你有冇封番利事畀人呀？你唔封利事給人家，唔老黎，人地都要利利事事啦。」

此外，亦有網民認為事主不單吝嗇，而且重提一年前小事，實屬小家子氣：「重點係投訴返一年前的事。」、「下次可能叫佢9折回扣返呀！我上午用完，下午可交回，仲暖㗎。」亦有網民建議事主以後可利用紙紮祭品祭祖，免卻同類煩惱：「下次買紙紮燒肉雞，咁咪唔使斬囉，自己帶。」

資料來源：大埔 TAI PO facebook群組

立即下載｜全新《星島頭條》APP：https://bit.ly/3yLrgYZ