維港會｜方龍飛送物資行到褲穿窿 收慈母「阿媽哩」笑言係「褲二代」

離島區議員方龍飛化身「褲二代」。早前方龍飛與其母先後確診，經治療及休息後已經康復，今日他在facebook發文，主題為「慈母手中線，阿飛身上衣」，指他穿着的長褲褲襠有磨損，母親竟用碎布縫補，非常窩心，而文尾標籤亦寫下「#褲二代」「#著咗唔好叫我除返落嚟」「#唔准笑我㗎」。

方龍飛指自己來自草根階層，在知慳識儉的母親熏陶下，從小到大對物質都是保持基本要求。自第5波疫情開始，他為逸東街坊送遞食物及防疫用品而頻頻出勤工作，不知不覺行到褲浪磨損，而他的母親竟拿出收藏在鐵盒內的針與線，並從一塊舊布簾剪出一小塊，默默地縫上褲浪磨損位置，避免他尷尬或造成浪費。

方龍飛指近日忙於為街坊送遞食物及防疫用品。方龍飛fb圖片

方龍飛母親為兒子補褲，既節儉又窩心。方龍飛fb圖片

方龍飛指，見到一頭白髮的母親康復後如往常拿起針線，甚是欣慰，「飛媽雖然係一個冇受甚麼高等教育兼且唔打得嘅女人仔，但佢理解我嘅工作，除咗沒有令屋企添煩添亂之外，更默默為家補縫修漏。飛媽愛在心，阿飛著在身，我呢條『阿媽哩』比任何名牌更舒適。」

立即下載｜全新《星島頭條》APP：https://bit.ly/3yLrgYZ