Juicy叮｜蔑視90後同級同事人工相差無幾 千禧後新人：你過去十年做咗咩

有新入職的網民在Facebook專頁「奴工處」發文，稱估計一名年長10年的同層級同事月入相差無幾，質疑對方「究竟你過去十年做咗咩？」，這番年少輕狂的言論引發爭議。

20歲出頭的發文者發文者最近轉職文員，坐鄰座同事原來30歲，但職位仍然是同級。雖然對方實際薪酬並不清楚，但聽聞公司每年加薪只有二三百。發文者質疑，「我諗佢都唔會高我好多。我係啱啱出嚟做嘢嘅新鮮人，見到佢都會諗⋯究竟你過去十年做咗咩？點解會同個啱啱起步嘅後生仔企係相同嘅起跑線」。發文者聲言，「你哋會點面對啲大你十年，但又同你同Grade嘅同事？」

帖文引來爭議，有人奉勸發文者「學識尊重任何人，同唔好咁八卦，係喺職場上學既第一課」、「小朋友太天真，真係以為同grade大家一樣人工」、「每個人想要嘅唔同，經歷都唔同，再加上其他人點解選擇做邊份工，都係其他人嘅事」、「大你十年，唔代表已經做咗十年喎」。

也有人指很多人是不露財，「說真的，大把人有樓收租財務自由，打份萬零蚊工當零用錢， 唔使搏，準時收工，又唔怕俾人炒（因為隨時可以揾過一份）」。

帖文轉自專頁「奴工處」

立即下載｜全新《星島頭條》APP：https://bit.ly/3yLrgYZ