阿儀犯官非無阻下廚心情 煮超稀豬潤雞粥Fans話想一齊食

37歲的「亞姐一姐」薛影儀（阿儀）日前承認一項普通襲擊及一項違反「口罩令」控罪，在屯門裁判法院被判即時入獄兩星期，違反「口罩令」則罰款5,000元，她透過代表律師申請保釋等候上訴獲批，之後阿儀開記招向大眾致歉。

阿儀開記招鞠躬道歉。

阿儀上庭承認襲擊街坊及未有佩戴口罩違防疫規定。

阿儀IG好好睇

從阿儀嘅IG完全睇唔出佢犯官非，即係唔覺佢唔開心，繼續阿儀式爆笑上載。有Follow阿儀IG都知佢幾鍾意下廚，但製成品賣相真心一般，加埋影得求其，講真睇完食慾係零。

呢煲係蘋果豬橫脷南北杏豬腱湯，你敢唔敢飲?

呢個係冬菇髮菜生菜，感覺好死亡。

賣相真心麻麻

最新有好似豬潤雞湯嘅豬潤雞粥，碗粥稀到如果喺舖頭食應該會叫回水，但Fans唔介意仲問可唔可以同佢結婚一齊食粥，獲本尊例牌回覆「唔可以」。另外佢又上載喺元朗街市買嘅減肥烏冬，好多Fans問可唔可以同佢一齊減肥，希望獲阿儀留句唔可以，但阿儀可能太忙，所以係冇回覆嘅。

呢碗係豬潤雞粥，稀到呢。

好想親耳聽阿儀講唔可以。

阿儀買健美烏冬想減肥。

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ