疫情消息｜呻八旬母不懂用智能手機被批涼薄 網民反駁：點教一個拒絕學習嘅人

隨著安心出行及疫苗通行證普及，不少長者都要學用智能手機。有網民就大呻，80多歲的年邁媽媽幾年前就羨慕旁人有智能手機，結果兒子真的買了一部卻教了幾次都不懂得用，不過言論就引來爭議。

發文者透露，其媽媽是平日連電視都不懂得開兼且不肯學習的人，幾年前哥哥給了一部2G手機方便聯絡，媽媽又嫌棄手機是二手，「又唔夠人哋乜太物太部電話咁靚，唔肯用，好似我哋虐待佢咁」。發文者解釋，別人用智能電話，她又不懂得用，亦無必要用，哥哥才給一個2G手機。

現在出入公共場所都要掃「安心出行」，迫於無奈要用智能電話，「佢終於恨到嘞」。哥哥新買了一部內地品牌手機給媽媽，安裝了「安心出行」程式、輸入了針卡，教了幾次結果都不懂得操作。發文者呻，「佢而家終於知，點解當初人哋唔買靚靚電話畀佢啦。」

有網民就勸導，「這麼大年齡思考反應要遲鈍一些，多點耐心」，有過來人說「畀啲耐性去教。我外婆也80+，經我教導下現在Facebook、whatsapp 也懂」

有人就批評，「而家好多人細個個時又係乜都唔識，乜都搵阿媽，大個咗就嫌自己阿媽又老又蠢乜都唔識，仲要post上網呻俾人聽」、「回想吓你細個時，你媽教你戒尿片同寫自己個名。」

市民出入公共場所都要掃安心出行及出示疫苗通行證。示意圖片，非當事人

市民出入公共場所都要掃安心出行及出示疫苗通行證。示意圖片，非當事人

面對網民批評，發文者解釋，媽媽「因為拒絕學習。唔肯學開電視機，話自己唔睇電視嘅。唔肯學開熱水爐...夾硬冬天都沖凍水涼。唔肯學開抽濕機...佢本來懶到連燈掣都話唔識㩒，我問佢，係咪所有掣你都唔識唔學點㩒？如果係，就講清楚，以後就算開燈我都叫個工人幫服侍埋你，因為你搞唔掂。佢先肯自己去㩒。2G電話，佢都未識用，電話響點接聽，聽完點收線，唔肯學。其實係同屋企個固網電話十分相似，但固網嗰個佢肯學，因為要同朋友煲電話粥。」

發文者質疑，「我知老人家手腳慢學嘢慢，但其實佢手腳一啲都唔慢。電視、2G電話、熱水爐個掣，都唔係到佢80歲先至出現嘅新科技，其他老人家都用到。智能電話，佢啲同年紀嘅朋友都用緊。我解釋唔到佢點解用唔到。」發文者又反駁，「邊個教都好，都要我自己肯學先會識。不如你試吓教一個拒絕學習嘅人，睇吓點樣教識佢。俾啲耐性，你得嘅。」

帖文轉載自阿媽搞唔掂部智能電話

立即下載｜全新《星島頭條》APP：https://bit.ly/3yLrgYZ