維港會｜韋史密夫打人事件 大嘥鬼九巴仔IKEA齊抽水

影帝韋史密夫在奧斯卡頒獎禮上，為護妻出手怒摑諧星Chris Rock事件，成為全球熱話，不少本地社交專頁紛紛「抽水」，引起網民關注。

其中環境局大嘥鬼便透過改圖，呼籲市民不要將用過的防疫物資扔入回收箱：「你話係咪真係『摟打』先？無疫情嘅時候，都應該要記得乾淨回收呢樣咁基本嘅回收行為啦，而家疫情嚴峻，回收嘅時候就更加應該回收已經洗乾淨嘅嘢，同唔好亂揼唔啱回收嘅嘢落回收箱，啱唔啱？」

大嘥鬼呼籲市民不要將用過的防疫物資扔入回收箱。大嘥鬼FB

另外九巴仔也有份整圖，呼籲乘客不要再車廂亂抛垃圾：「疫情下，九巴仔知道大家都好乖遵守九巴嘅規矩，努力保持車廂乾淨！但總係有一班害群之馬，佢哋搭車之後會留低垃圾，一眾清潔姐姐嘅努力都畀呢班人破壞晒！九巴仔想代清潔姐姐車佢哋『九巴』！大家話好唔好？」

九巴仔呼籲乘客要有公德心。九巴FB

至於宜家家居則透過這一話題，宣傳鞋抽產品：「我只售$9.9，咁Cheap，認真抵抽。我係IKEA嘅OMSORG鞋抽。」

更多新冠疫情資訊請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ

IKEA則宣傳其鞋抽產品。IKEA FB