獨家丨黃澤鋒95歲媽媽中招離世 痛心隔住玻璃陪走最後一程

黃澤鋒今日在社交網貼出他跟媽媽及囡囡小黃妃的合照，他留言指媽媽去世，不少圈中好友如盧巧音老公Sammy、李蘊及網友等也送上慰問。《頭條娛樂》聯絡上黃澤鋒，他透露：「媽咪享年95歲，佢近年因有老人痴呆，之前又做過兩次手術，身體都麻麻哋，一直住喺老人院，點知就中咗Omicron過身。」黃澤鋒指媽媽因健康問題而未能打新冠疫苗，入院後入住負壓病房，但一星期便離世，他謂幸好最後仍可以帶囡囡到醫院；隔着兩層玻璃看到她最後一面，而其他家人及孫仔也在場送別。

 

黃澤鋒貼出跟媽媽的黑白合照，透露她離世。

 

黃澤鋒一直有教小朋友游水，但因疫情關係也大受影響。

 

由於疫情關係，黃澤鋒表示近兩年也很難才可以到老人院探望媽媽，但因他似年青時的爸爸，故媽媽仍勉強可以認得到。黃澤鋒邊喊邊說：「所以呢兩年都好難先見到佢，依家唔可以親身喺佢身邊陪住佢走，只能隔住玻璃窗，所以都特別痛心同遺憾。」

 

跟太太十分恩愛。

 

兩人的囡囡小黃妃十分可愛。

 

更多第5波疫情資訊，請到以下專頁瀏覽
按此

立即下載 | 全新《星島頭條》APP : https://bit.ly/3yLrgYZ