黃庭鋒為求挑戰放棄做教師陳芷菁一句話啟發轉戰娛樂圈

2022-03-22 19:30

TVB上位小生黃庭鋒早前接受娛樂新聞台節目《星光路上》專訪，與主持潘盈慧大談入行5年多的趣事及心路歷程。自命開心、愛笑、無聊兼重視家人及朋友的庭鋒，受爸爸影響， 5、6歲已愛上運動及踢足球，在英國留學期間更曾加入足球隊受訓：「當時個教練係前英格蘭國家隊球員，佢提攜過5個學生，4個英格蘭人，同埋我一個亞洲人，嗰陣發覺原來我都幾勁！」原本有機會成為職業足球員，可惜最終因學業被逼放棄，庭鋒笑言做人要學會向現實低頭。

庭鋒因想念家人，回流香港入讀中文大學；擁有碩士學歷的他，還未畢業已接獲Offer擔任體育老師，不但收入穩定，更是高薪厚職：「我都好鍾意小朋友，但好快就覺得呢個職業唔會太有變化，我好想要啲挑戰，唔想咁快就好似等退休咁。」之後因機緣巧合，庭鋒其中一個學生的媽媽是陳芷菁，庭鋒便是因為陳芷菁一句話，決定轉戰娛樂圈：「其實我同佢三年以嚟冇傾過偈，但到囡囡畢業嗰時，佢就同我傾偈，佢話覺得我好適合做幕前，問我會唔會諗吓，當時我就諗，係喎，冇諗過喎。」

黃庭鋒自認對自己要求高，屬於完美主義者。

黃庭鋒自細受爸爸影響，熱愛足球。

庭鋒曾有機會成為職業足球員，可惜因為學業被逼放棄。

終庭鋒回流香港讀大學，畢業後成為一名體育老師。

從教育界走入演藝圈，庭鋒還是與「運動」有著不可分割的淵緣，首個幕前工作已是主持2016年的里約奧運，之後再做《體育世界》主持;由於能操流利廣東話及英語，之後更有機會為明珠台《港生活．港享受》做主持。早前庭鋒更獲派採訪北京冬季奧運，自言有好大得着：「今次係我第三次做奧運，仲係第一次喺當地做主持，最大得着係可以同世界各地選手傾偈，好似羽生結弦、谷愛淩等，呢啲都係好多人都好想有嘅機會。」庭鋒又笑指會以「峰迴路轉」形容入行5年的經歷：「有啲演員畀人認識係因為拍咗套劇、個角色好受歡迎，又或者主持咗個節目好多人睇嘅，但我係因為喺台慶度贏咗個大獎而開始畀人認識。呢幾年算係幾精彩，但一啲都唔容易過，譬如好似我喺《香港原味道》，大熱天時30度耕田中暑，又或者上咗高山好凍凍到暈咗咁，係冇停過我覺得。」