林盛斌搵工人姐姐拍模仿片抽水 叫外傭唔開心要出聲

近日網上瘋傳一段外傭姐姐自拍影片，用流利廣東話呼籲僱主要體諒工人姐姐，「你畀錢幾多啫，4千幾吓嘛，4千幾有幾多，仲縛你24小時，放假又無得放，仲講？無話有錢大晒呀吓，你而家試吓搵工人，睇吓搵唔搵到！」由於她拍片的表情好囂張，因而成為全城熱話。原來呢位工人姐姐已在港打工十多年，平時仲經營YouTuber頻道，一完成家務就化身一名YouTuber拍片，為同鄉講解僱員權益和防疫知識，又教工人姐姐唔好偷懶，唔識就要問僱主。日前她再拍片回應近日引起話題的影片，表示只希望僱主明白工人姐姐放棄照顧自己家人，離鄉別井打工的難處。

 

呢位工人姐姐其實仲係一名YouTuber，日前再拍片回應網上熱爆影片。

 

 

而一向對工人姐姐好好嘅林盛斌（Bob），昨日（20日）就找來工人姐姐一起拍片「抽水」，叫工人姐姐模仿近期熱爆的印傭。片中Bob的工人姐姐對住鏡頭寸爆表示：「係，你係老細乜都啱晒，工人係人嚟，唔係機械人呀！你試吓而家請工人，請唔請到？」老世Bob就突然在後面經過問：「做咩呀？」工人姐姐即刻扮驚慌表示：「冇嘢呀！」由於之前每Po出與工人姐姐的合照，都會被網民以為他們是兄妹，這次都專登留言自抽：「你有咩唔開心咪直接同我講囉……同埋佢唔係我屋企個姐姐嚟㗎，佢係我阿妺嚟㗎，似唔似樣呀？」

 

Bob都搵工人姐姐拍片抽水。

 

姐姐個反應好可愛。

 

Bob叫工人姐姐有咩唔開心要出聲呀！

 

再自抽同工人姐姐好似樣。

 

唔少網民都紛紛留言表示Bob跟工人姐姐真係好似樣：「餅印兄妹」、「大鑊真係好似樣」。除此之外，不少網民都將焦點放在工人姐姐的演技上，大讚她「姐姐好好戲喎」，更推薦她可以加入《愛回家》飾演Liza（姜麗文飾）同鄉，相當搞笑。

 

Bob個工人姐姐唔只一次被網民認錯係佢個妹。

 

更多第5波疫情資訊，請到以下專頁瀏覽（按此）

立即下載｜全新《星島頭條》APP：https://bit.ly/3yLrgYZ