DJ當奴自嘲世界百大醜男 IG講入圍感受笑翻圈中人

2022-03-21 19:30

近日美國網站「TC Candler」公佈2022年世界百大俊男美女入圍名單，香港都有不少男女明星入圍，其中以MIRROR的氣勢最為強勁，12位成員已經有11位成功入圍，有望爭世界百大俊男。而商台DJ當奴（Donald、唐劍康）今日亦於IG分享一張設計極似「TC Candler」公佈入圍者時的照片，不少網民誤會以為當奴都有入圍世界百大俊男，大家都嚇一嚇！不過仔細睇張相啲字，寫到明「百大醜男2022」，原來是當奴出Po自嘲，抽水Po成功呃Like，仲引來很多圈中人：張繼聰、謝安琪、林奕匡及朱薰等，留言表示好笑。

MIRROR今日再有兩名成員Lokman、Tiger入圍世界百大俊男。

大家見到呢張相都嚇一嚇，不過請睇清楚啲字。

當奴對手唔知係咪阿占。

而當奴亦於IG發表入圍「百大醜男2022」的感言，「自己係唔相信，真係㗎？真係嘅？真係太夢幻，太瘋狂！有幸入選了世界百大醜男，本人十分光榮同榮幸🙏🏼但對手太強，自己沒有信心會勝出，頂盡廿大，所以入圍當贏了✌🏼同時希望大家專注我的工作，並祝大家身體健康，歡樂開懷✨」玩都玩得咁認真，真係令人佩服，有網民都好奇當奴仲有咩對手。