准分期交租兼減千元更獲贈快測包 財困租客感謝良心業主

政府立法暫緩業主向商戶追租3個月，結果引發不少業主激烈爭議。但疫情下也有業主願意與租客共渡時艱，有網民在「香港討論區」討論區發文，因財困向業主求助，獲減1000元租金兼送贈快測包，被稱為「良心業主」。

發文者指，好業主難求，已租住單位一段時間，但受到疫情影響，丈夫要放一段無薪假，經濟上有壓力。另外，父母又需要錢周轉，一時之間開支大增，「唯有硬住頭皮同業主講想分兩期交租。其實開到聲咁講真係好尷尬，但業主好好人，聽完之後好爽快答應咗，佢仲話明白呢段時間大家都好難過，仲減咗我哋1千蚊租。」

發文者形容，「其實呢個業主真係好好，之後佢仲送咗啲快測畀我哋，話佢屋企好多。今次減租係真係無諗過，我哋都無要求過，真係好意外好感恩！」

有網民留言，「大家都有困難的時候， 業主幫租客度難關是應該的」、「其實係好業主又加上你係好租客，一千蚊換個好租客真係值得，係人都會有困難既時候」、「樓主係討論區度讚業主，已經看得出樓主喺感恩之人，做租客都應該會將心比己，所以業主對你好，就開心的啦。」、「我見過2位好業主，店鋪租客欠租8個月也沒有趕走，只叫他盡快畀，太長時間了，租客亦盡畀，原來業主年輕時也被執達利封舖，身同感受。另一位業主25年無加租店鋪，租客亦從不欠租，忘記了另一位業主亦從無加租住宅的，租客仔女大學畢業遇業主收租，其父母着仔女斟茶畀業主，說是業主是供書教學你們的，緣分也，真人真事！」

也有人業主留言說，「我都減左兩個月 各1000,大家都難，希望能共同抗疫」、「我免左一個月租」。

但不是人人都如此幸運，有人稱「附近個friend 單身帶著2個女給無良業主加租1000。我話個業主幾層樓收租使唔使咁無良啊！」。