入境處主管染疫入住隔離設施助調度物資開解營友成「村長」

2022-03-18 19:39

第五波疫情嚴峻，政府各部門都動員參與抗疫工作，其中新田、青衣、洪水橋的「方艙醫院」交由入境處管理。有入境處人員早前確診新冠肺炎，入住「方艙醫院」。期間更為其他營友調度物資及開解營友的情緒，搖身一變成「村長」。

入境事務處總入境事務主任何國桓，為新田社區隔離設施主管，他本月13日確診，於是入住同一隔離設施，最早本月20日就可離開。

何國桓雖然染疫都不忘抗疫工作，將隔離設施變成寫字樓。他體會到確診者隔離時的需要。因此他利用對講機，負責「裏應外合」工作。為染疫的公公婆婆做情緒疏導工作，因此被營友稱為「村長」。

他確診兩日後已經快測陰性，並無病徵。康復後踩單車巡邏整個新田隔離設施，負責張羅及派發物資包括食物、藥物、檢測包等。何國桓派發物資時說：「（營友）林太林生，今朝呢你喉嚨仲未好嘅，咁我就再攞多啲喉糖畀你...同埋噚日你話呢檢測包唔夠...同埋啲生果...得架喇我哋會供應畀你」。他以身同感受的經歷，為營友平伏心情，不少營友都感謝「村長」的工作。

他表示，上司得悉他確診後都好擔心，「其實我自願話要入嚟做隔離，佢都好支持我，同埋我只係有少少高燒，開頭咳得比較多，相信我都可以應付到係裏面工作。同埋我更加以第一身，我係一個病人阿嘛，了解到隔離人士需要咩嘢，例如需要飲好多水喇，同埋有時需要去洗手間。所以我哋就同同事講加強水嘅供應。洗手間浴室嘅清潔更加要做好。依個就我係裏面得到嘅體驗。」

他形容，「我唔可以出去開會喇，要用Zoom要用電話喇就比較多去做meeting喇，或者有時可能隔空離遠指示，或者同事有咩需要我係疫區裏面幫手，幾方面溝通都有」。有同事形容，「佢需要休息嘅，但係我撳佢唔住，佢就set晒電腦set晒啲機，我阻都阻止唔到佢，係咁同啲同事溝通阿，follow住啲嘢，佢畀力好上心，依度啲營友話佢係好貼地」。

不過他又指，其他紀律部隊例如警方管理的隔離設施，都有管理人員染疫，大家都繼續盡忠職守，齊心抗疫。