碧咸大仔呢期沉迷整日菜玩完握壽司再整Poke Bowl

2022-03-17 08:00

英國萬人迷碧咸（David Beckham）的23歲大仔Brooklyn Beckham，前年宣佈向富二代女友Nicola Peltz求婚成功，婚禮原定於去年9月舉行，可惜因疫情嚴重而押後至今年。有傳兩人的婚期已定在今年4月9日，並於女方億萬富豪父親的7.6億港元海邊超級豪宅舉行。

有指兩人將於4月9日結婚。

有留意碧咸大仔IG嘅都應該知道佢好鍾意下廚，煎扒呀，整吓意粉呀，最鍾意晒刀功，係幾俐落嘅。自從佢跟咗享譽國際嘅日籍米芝蓮大廚松久信幸（NOBU)學咗幾分鐘握壽司後，呢期佢好沉迷整日菜，之前玩握壽司，見佢由煲飯到切吞拿魚再以純熟手勢握好件壽司，係型嘅。最新有整源於夏威夷嘅魚生飯Poke bowl，又係由煲飯到切魚粒到切牛油果到溝埋啲材料，其實唔難，但想睇佢老竇整多啲啫。